أرشيف الكتب الإسلامية
فهرس الكتاب

‹
›
الصفحة 1539 من 6343

{فَإِن تَوَلَّوْا} " پس اگر تم روگردانی کرو۔" یعنی اگر تم اس چیز سے منہ موڑ لو جس کی طرف میں تمہیں بلاتا ہوں {فَقَدْ أَبْلَغْتُكُم مَّا أُرْسِلْتُ بِهِ إِلَيْكُمْ} " تو تحقیق میں پہنچا چکا تمہیں وہ پیغام جسے دے کر مجھے تمہاری طرف بھیجا گیا تھا" پس میرے ذمے تمہارے معاملے میں کوئی چیز باقی نہیں۔ {وَيَسْتَخْلِفُ رَبِّي قَوْمًا غَيْرَكُمْ } " اور جانشین بنائے گا میرا رب، تمہارے علاوہ کسی اور قوم کو" جو اس کی عبادت کریں گے اور اس کے ساتھ کسی کو شریک نہیں ٹھہرائیں گے۔ {وَلَا تَضُرُّونَهُ شَيْئًا} " اور تم اسے کوئی نقصان نہیں پہنچا سکو گے" کیونکہ تمہارا ضرر تمہاری ہی طرف لوٹے گا۔ اہل معاصی کی معصیت اسے کوئی نقصان پہنچا سکتی ہے نہ اہل اطاعت کی اطاعت اسے کوئی فائدہ پہنچا سکتی ہے۔ {مَّنْ عَمِلَ صَالِحًا فَلِنَفْسِهِ وَمَنْ أَسَاءَ فَعَلَيْهَا } (حم السجدۃ:41؍46) " جو کوئی نیک کام کرتا ہے تو اپنے لئے اور جو کوئی برے کام کرتا ہے تو اس کا نقصان اسی کے لئے ہے۔" {إِنَّ رَبِّي عَلَىٰ كُلِّ شَيْءٍ حَفِيظٌ } " بے شک میرا رب ہر چیز پر نگہبان ہے۔ "

حجم الخط:
شارك الصفحة
فضلًا انتظر تحميل الصوت