أرشيف الكتب الإسلامية
فهرس الكتاب

‹
›
الصفحة 1614 من 6343

{اِذْ قَالُوْا } ''جب انہوں نے کہا۔'' یعنی جب انہوں نے آپس میں کہا۔ {لَیُوْسُفُ وَاَخُوْہُ} ''یوسف اور اس کا بھائی۔'' یعنی یوسف اور ان کے حقیقی بھائی بنیامین، ورنہ تو وہ سب ان کے بھائی تھے۔ {اَحَبُّ اِلٰٓی اَبِیْنَا مِنَّا وَنَحْنُ عُصْبَۃٌ} ''ہمارے باپ کو ہم سے زیادہ پیارے ہیں اور ہم ایک جماعت ہیں۔'' یعنی حالانکہ ہم بھائی ایک جماعت ہیں پھر وہ اپنی محبت اور شفقت میں ان دونوں کو کیوں فضیلت دیتے ہیں۔ {اِنَّ اَبَانَا لَفِیْ ضَلٰلٍ مُّبِیْنِ} ''یقینًا ہمارا باپ واضح غلطی پر ہے۔'' کیونکہ اس نے بغیر کسی موجب کے جس کو ہم دیکھ سکیں اور بغیر کسی ایسے سبب کے جس کا ہم مشاہدہ کرسکیں، ان دونوں کو ہم پر ترجیح دی ہے۔

حجم الخط:
شارك الصفحة
فضلًا انتظر تحميل الصوت