اگرچہ اسلام نے ان مختلف قبائل کو اپنے سانچے میں ڈھال لیا تھا تاہم یہ بات بھی یاد رکھنی چاہیے کہ صحابۂ کرام کی طرح انھوں نے مناسب تربیت نہیں پائی تھی۔ نیز یہ لوگ اسلام کے اصلی جوہر سے بھی بڑی حد تک ناواقف تھے۔ و جہ اس کی یہ تھی کہ جس تیزی سے فتوحات ہو رہی تھیں، اس لحاظ سے مفتوح اقوام کی اسلامی تربیت کا انتظام نہیں ہو پایا تھا۔ یوں اسلامی معاشرے کا فکری توازن بگڑ گیا تھا جس کے منفی اثرات حضرت عثمان رضی اللہ عنہ کے دور خلافت کے آخری ایام میں سامنے آئے۔