بتخلينا نقول يبقى أكيد مثل هذا الكون العظيم الكبير اللي هو قلة علمك بحجم الكون آه حجم الكون وضخامة الكون وعظمة الكون كل دا نشأ من العدم يبقى أكيد سبب الكون شيء قوي جدًا وعظيم جدًا؛ دا عشان ينشأ كون ضخم جدًا وعظيم جدًا.

فيه بعض العناوين ثابتة علميًا وعليها كتب ومراجع, الكلمات اللي أنا هقولها دي وهعرض بعض الكتب:

• دا كتاب اسمه [Rare Earth] لبيتر وارد ودونالد برونلي, [Rare Earth - Why Complex Life Is Uncommon in the Universe] , الفكرة كالآتي: إن الحياة نشأت بالفعل على الأرض ونحن كائنات حية واعية نشأت على كوكب الأرض وعندنا النزعة الغائية ونعلم يقينًا أننا متميزين والكلام دا كله, طيب نشأتنا نشأة حياة زينا احنا كائنات بشرية معقدة جدًا وعلى درجة كبيرة جدًا جدًا من الوعي والذكاء, وقادرين على صناعة حضارات تكنولوجية, الكلام دا محتاج ايه عشان يحصل؟ فيه عندنا مستويات من الحياة: فيه الحياة البدائية خالص -الحياة البدائية نسبيًا يعني- اللي هي الحياة الـ (يوني ساللر) , وبعدين فيه الحياة الـ (مالتي ساللر) , وبعدين فيه الحياة الحيوانية الأكثر تعقيدًا, وبعدين فيه الحياة الإنسانية؛ فيه حياة إنسانية بدائية, وفيه حياة إنسانية تكنولوجية, تكنولوجية يعني ايه؛ يعني مثلًا على سبيل المثال محتاجين كوكب مليء بالحديد عشان نقدر نعمل عربيات وكباري وكمبيوترات, ومحتاجين سيلكون عشان نعمل موبيلات وميكرو ... ومش عارف مين فاهمين أنا عايز أقول ايه, طيب لو هنبدأ بس بالحياة البسيطة محتاجين ايه عشان الحياة تنشأ على كوكب الأرض؟ محتاجين ظروف معينة على كوكب الأرض, وعشان الظروف دي تتكون في كوكب الأرض لازم الكوكب يكون في ظروف معينة في المجموعة الشمسية, وعشان المجموعة الشمسية دي تنشأ لازم فيه ظروف معينة للمجرة, وعشان المجرة دي تنشأ لازم فيه ظروف معينة ما بين المجرة والمجرات اللي حواليها. العلماء وجدوا الآتي: وجدوا إن كوكب الأرض كوكب نادر جدًا جدًا جدًا؛ حتى مع الاكتشافات الحديثة اللي بيقولك 7 كواكب شبه الأرض