للصدفة أكتر هات السورة كاملة وشوف الحروف اللي تكررت، إلغيها خالص هتلاقي إن الحروف التي لم تُذكر إلا مرة واحدة برضو عشر أحرف.
طيب خلاص إلغي موضوع العشرة دلوقتي، ونتكلم على فائدة من ألوان الإعجاز في سورة الكوثر. مبدئيًا بنقول إن اللغة العربية بتنقسم إلى كلمة وإلى جملة؛ الكلمة بتنقسم إلى اسم أو فعل أو حرف؛ من أنواع الأسماء: الضمائر، تعال نتكلم عن الضمائر في سورة الكوثر، بنلاقي إن الضمائر ليها تقسيمين: إما الضمائر البارزة والمستترة وإما الضمائر المتصلة والمنفصلة.
الضمائر البارزة هنلاقيها في جُملة: (أعطيناك) ، هنلاقي الضمير الفاعل المتكلم وضمير المفعول المخاطب، وبالنسبة للضمائر المستترة هنلاقيها كمان في فعل: (صلِّ) ، أو فعل: (انحر) ، الضمير المستتر تقديره (أنت) .
بالنسبة لتقسيمة الضمائر لمتصل ومنفصل هنلاقي الضمائر المتصلة موجودة في كلمة: (أعطيناك) ، كذلك الضمائر المنفصلة هنلاقيها موجودة في جملة: (هو الأبتر) .
طيب ضيف على كدة كمان إن الضمائر في إحالتها لعناصر الخطاب بتنقسم إلى ثلاثة أنواع: إما ضمير المتكلم أو ضمير المخاطب أو ضمير الغائب،