آه .. ما ارق الرياض تالي الليل ..

انا لو ابي ..

خذتها بيدها .. ومشينا

(( الليل والوعد ) )

الله عليم .. إني مليك وأنا حر

لأجل الهوى .. رضيت أنا بظلم سيدي

من عادتي .. مالي جلاده على الضر

واليوم أنا لرضاه باقطع وريدي

لأجله غديت أستعذب العلقم المر

وأضمد الجرح القديم بجديدي

اللي فـ .. وعده لو طال الليل يقصر

وكل لحظة تمضي .. فعمري تزيدي

وسحابه للدمع لاغاب تمطر

تسقي على شفاهي خزامي قصيدي

(( الوادي ) )

وين يدفن الجبل اسراره

وين يترك السيل اثاره ..

وين يختار المسافر ..

بين الشجر ظله .. وبين الحطب ناره ..

وين يبكي القمري ..

ويشره على خله ..

قلبٍ غدى كله ..

مثل البطاحي شوك ..

لو مت انا صادي ..

حطوا القبر في الجال ..

وادي الهوى لاسال ..

يمرني سيله ..

واسقي عظامي منه

وينبت في غصن الطلح ..

قلبي ورق أخضر

(( الغراب اللي نعق ) )

ليت ها العين ضاقت بالحدق

قبل جدرانها بوجهك تضيق

والله اني صحيت من الأرق

راحلٍ لا مكان ولا طريق

ما سمعت الغراب اللي نعق

وين مثلي .. على مثله يفيق

منزلي في الطويل الي شهق

ومنزله قاعة الوادي السحيق

قالو الحاقد بدمك شرق

قلت ما أظنه لمدحي يطيق

كنه الشوك في ثوبي علق

يوذي الشوك ولا يقطع طريق

كثر ما الريح تعبث بالورق

وتوقد أغصانه الصفراء حريق

وكثر ما شوه العج الشفق

وقص من جيده عقود العقيق

وكثر ما صابني وأخطا التفق

لين ما أصحبت من خوفي طليق

وكثر ما نز في كفوفي العرق

من سلام على غير الصديق

اتركيني على باقي عبق

غيمة العطر من عمري العتيق

(( الكلام الغريب ) )

من علم لسانى

الكلام الغريب . .

إلين قلت: ان الحليب . . رمل . . والمرضعه ريح

والصدر خيمة راعى في الجدب

من علم الكذب لسانى

الرسم . . الاغانى

الطفل في الظلما

الحلوى في الدكان

أو خيزران . . معلم معتوه

من علم المشدوه . . بألوان العيون

هذا الجنون . . الجنون

من علمنى الحب غير الناس . .

والكره غير الناس . .