اقبلي .. يابخت لي عيوني من الربيع..

وطل وجهي من الشتا.. ومثل صوتي من الهبوب..

اقبلي مثل الرياض .. من تعاريج الدروب..

في ضلوع الوادي .. وين حبيتك .. قمر ..فوق طين اجدادي..

أرفعي طرقة الشيله عن سديم..

وكوكب وهاج .. وأقطعيني بنصل .. طرف سادر وحجاج ..

شققيني .. يالهبوب العارضيه .. واهدميني سياج ..

لين أغني .. الهوى ماهو خطيه .. آه ماأرق الرياض ..

بدر بن عبدالمحسن

ترحيبة الحزن و الليل

لما يبعد ... في المساطيف المسافر ..

لما يخفيه الضباب ..

لما يرحل .. بالأمل وبفرح باكر ..

لما ينسالي عذاب ..

هلا .. ياحزن ..

هلا بالصاحب الطيب ..

أبد .. لو تبعد قريب ..

هقيت انك مع الفرقا .. تبي تنسى حنينك لي ..

هقيت إنك بعد مليت ..

من الماضي عذابك لي ..

عسى ماجرحك فرحي .. عسى ياحزن ..

أنا لو خنت في جرحي ..

وضيعني .. الهنا ليله ..

ترى مافي يدي حيله ..

هقيت اني لمحت النور ..

بيمسح دمعي المبهور .. بمنديله ..

سحرني حلو ترتيله ..

لما يسري في الفضا .. نجم السهاد ..

لما يطفيه السحاب ..

لما يملى عمرنا الماضي السواد ..

تصبح البسمه صواب ..

هلا بالليل ..

هلا والله ..

ياضاوي .. لو اضمك لي ..

على صدري .. وافني فيك اشواقي ..

أماني عمري الباقي ..

هلا بالليل ..

حبيبي .. كسر الفرحه على صخر الجفا الجاير ..

حبيبي حزنه الزاير لياليا .. يحبك ليل

يقول ازرع ضنى شوق النوى فيا ..

وأنا في موعد الشكوى ..

أبي شكوى .. ابي دمعه ضني تسوي جراح العمر ..

هلا بالليل .. ياضاوي بالحنين المر ..

هلا والله ..

البدر بن عبدالمحسن

البارحه والقلوب اصحاب

كنت القمر وانت تمدحني

واليوم لي مخلبين وناب

ومشاهد الدم...يفرحني

كذاب...هذا المدح كذاب

وكذاب ذمٍ يجرحني

إنسان ماني نجم و شهاب

وليتك ملاك... وتصلحني

لا صرت عاري وانت علي ثياب

بالله.. وشلون تفضحني

اخطيت واخطيت كافي عتاب

انطق بحكمي ...وريحني