بعد حمد خُدا، ونعت نبي أولى الأرا دركه علم طب درت فني مشتمل أولوب فن أولي طبك علميسي وعمليسي بياننده دركه، كليات طب ديمكله معروفدر طبعك جميع حقايق ودقايقي بو نكله معلوم. وفن ثاني مفردات بياننده دركه هو بر دواء مفردك ... ثالث مركبات بياننده ... وفن رابع أمراض خاصه وأمراض عامه بياننده اولوب بو فنده دخي مشاهير أطبادن مرحوم: صالح أفندي نك، غاية البياني، وترجمه سنه، موفق أولديغم، غاية الإتقان ترجمه سي كي ترتيب جديد أوزره، اختراع أولنمش بر تأليف بي نظير دركه، جميع قواعد طبيه يي حاوي، ودقائق فني محتوى، وغير يلردن مستغني أولمغله، لكن فن أولك كلياتنه تعرض أولنمديغندن بعضي علم طبه طالب، ودقائق فنه راغب، أولنلر فن أولدن طبيبه بلمسي لازم أولان قواعدنك مفهوماتني خلاصة أولنمسني؛ بو فقيردن التماس أتملريله، فقير دخي خواص وقوانيك ضعيفله اعتذار إيده رك بر نيجه مدت كذران أتمشيكن، بالآخره الأمور مرهونه بأوقاتها فحواسنجه، تاريخ هجرتك بيك يوز ألتمش أوج (1163 هـ) سنه سنه بالغ أولدقده سن فقير دخي، يتمش إيكي يه (72) بالغ أولمش إيدي، أول أثناده ملتمس أولنان: خلاصة الطب، لفظي خاطره خطور إيدوب، لفظ مزبور حساب أولندقده؛ تاريخ مزبوره موافق كلمكله، بويلجه تصادف أتمني توفيق وتسهيله علامة خير بيلوب باعث شوق أولمغله كتب معتبراتك، متون وشروحندن أخذ وانتخاب أولنوب، كلياته متعلق وفوائد، وقواعد إجمال وخلاصه أولنمشدر تاكه طالب أولنلره حفظي آسان، وفهمي نمايان أوله، والله الموفق والمرشد ...

آخره: ... وأما براز فتح با إيله اصطلاح أطباده: معاء مستقيم طرفندن ظهور إيدن قازوراته درلر كرجه لون ... قاره كبي هر كسك برازنه باقمق رواد كلدر بلكه بعض إسهاللرده، ويازخير علتنده وديدان وجنده اقتضا، وضروري حسبيله باقلورسه كافيدر.