أوله: فاتحه خرايد عالم آرا، وسر لوحةء جرايد جهان نُما، زيورا فروز حمد وثناء ذات أقدس وأعلى إيله مزين ومجلى، ورونق بَخش صَلات وسلام سلطان أنبيا إيله موشح ومحلّى قلندقدن صكرا ضماير أرباب عرفانه خفى ونهان دكلدركه، فروع علم هيئندن فن جغرافيا، يعني: خريطه لرده تصوير اولنان صورت بسيط غبرا، بر فن خوب وهنر مرغوبدركه ... لكن مقاصده شروعدن أول بر مقدمه تقديم أولنوب كتاب مذكور إسميله مسمّى قلندي مستفيد أولنلردن ذكر بالخير مُلتَمسدر. بعده بو كتاب جليل القدر ونوادر دهركه أيام إسلامده هنوز قرين وجود أولميوب دِوَل سالفه أعصارنده بر جهاندارك خزينه سنه كرممش، وبونك نظيريني كمسه كورممشدر حالا وليّ نِعمَمز بادشاه عالم بناه: السلطان بن السلطان سلطان محمد خان ابن السلطان إبراهيم خان ابن السلطان أحمد خان خلد الله ملكه وشوكته، وأفاض على العالمين بره وإحسانه حضرتلرينك عهد همايونلرنده ترجمه اولنوب وجوده كلمكه خزينهء عامره لرينه تقديم ...

آخره: ... سلاطين عظيم الشان آل عثمانك فتوحات جليلة سي اولمغله كتب قديمه ده يازلميوب صكره تدوين أولنان تاريخلر خلال وقايعده استطرادا كاهي ذكر وكاهي ترك أولنمغله على الترتيب بياني صددنده كميت خامه يه أرخاي عنان أولنمش إيدي من بعد أناطولي جانبي آخر حّ رومه وارنجه يازيلوب بعده ونديك ويانيا وفرانسه ولايتلري حدّ رومده داخل أولمق أوزره إجمالا بيان اولندقن صكره دردنجي أقليم عرفي أولان جزائر غريبه يه شروع أولنور.

قد وقع الفراغ من تحرير هذه الكتاب المستطاب، بعون الله الملك الوهاب، على يد أضعف عباد الله تعالى محمد أمين بن علي بن أحمد، غفر الله ذنوبهم، وستر عيوبهم، آمين يا رب العالمين. تم تم تم.