هنلاقي إن جملة (إنا أعطيناك الكوثر) هذه جملة مركبة أو جملة كبيرة، ليه؟ لأن الخبر اللي هو كلمة (أعطيناك الكوثر) هذه جملة في محل رفع خبر للجملة الأصلية اللي هي الجملة الاسمية، فهتلاقي الخبر ده مكون من فعل (أعطى) ، والفاعل (النون) ، والمفعول به الأول (الكاف) ، والمفعول به الثاني (الكوثر) ، وكل الجملة دي في محل رفع خبر لكلمة (إن) ، أو اسم إن المحذوف.
بكدة بيكون جملة كبيرة مركبة.
كمان هنلاقي جملة تامة صغيرة اللي هي جملة (فصلِّ لربك) هنلاقي إن فيها إسناد واحد ومن غير تركيب، أما جملة (إن شانئك هو الأبتر) فالعجيب إن هي بتحتمل النوعين؛ يعني لو اعتبرنا إن (هو) ضمير فصل و (الأبتر) خبر للشانئ فبكدة تبقى جملة بسيطة، لكن لو اعتبرنا إن (هو) في محل رفع مبتدأ، و (الأبتر) في محل رفع خبر، وجملة (هو الأبتر) كلها خبر إن، فيبقى بكدة جملة مركبة.
سبحان الله! السورة على قصرها هنلاقيها شملت كل أنواع البلاغة دي!