وعلى نفس الترتيب الإعرابي جاءت الكلمات التي تدل على الرسول -صلى الله عليه وسلم-، وهي: (الكاف) في كلمة (أعطيناك) جاءت منصوبة، (صلِّ) الضمير المستتر فيها الخاص بالنبي -صلى الله عليه وسلم- جاء مرفوع، و (الكاف) في كلمة (ربك) جاءت مجرورة.

ده بالنسبة للأسماء، تعال نتكلم عن الأفعال؛ بنلاقي إن الأفعال في السورة جت على تلات كلمات بس: (أعطى) ، (صلِّ) ، (انحر) .

لكنها مع إنهم تلات كلمات بس هنلاقيهم جمعوا كل الأقسام والتركيبات اللغوية بالنسبة للأفعال؛ فهنلاقي الفعل الصحيح: (نحر) ، والفعل المعتل: (أعطى) ، والفعل المضعَّف: (صلِّ) .

هنلاقي الفعل المجرّد: (نحر) ، والفعل المزيد: (أعطى) .

هنلاقي الفعل اللازم: (صلِّ) ، والفعل المتعدي لمفعول واحد: (نحر) ، والفعل المتعدي لأكثر من مفعول: (أعطى) .

تعال نتكلم عن الجمل؛ نلاقي إن أهل اللغة بيقسموا الجملة تقسيمات مختلفة، لكن المثير إننا نلاقي سورة الكوثر جمعت لنا كل الأنواع دي وضربتها لنا في مثال في الثلاث آيات، فلما نتكلم مثلًاا عن الجملة الخبرية والجملة الإنشائية، بنلاقي جملتين خبريتين اللي همة: (إنا أعطيناك الكوثر) دي جملة خبرية، و (إن شانئك هو الأبتر) هذه جملة خبرية.

وهنلاقي كمان جملتين إنشائيتين: (فصلِّ لربك) ، (وانحر) ، جمل إنشائية لأنهم صيغة أمر.

كمان أهل النحو بيقسموا الجملة لقسمين: الجملة الاسمية والجملة الفعلية، وطبعًا بسهولة جدًا نقدر نطلع الجمل الاسمية والجمل الفعلية من آيات سورة الكوثر، مثلًا: (إنا أعطيناك الكوثر) هذه جملة اسمية، وكلمة (أعطيناك) لوحدها هذه جملة فعلية، كذلك (فصلِّ لربك