أشهر ولدت زوجته فقلت كيف وشلون ووو مع أني اعرف انه ممكن تولد المرأة في السابع وأتعوذ من الشيطان ولكن الأفكار تعود وتعود.

ومثال آخر أحيانا أختي تقوم متأخرة لصلاة الفجر فتقعد تقول استغفر الله و ترددها وأنا أقول في قلبي لو تبغي تصلي جان قامت بدري و غيرها كثير من الأفكار اللي أشوف فيها أني أحسن من الناس و أفهم منه و كل شي زين فيني والناس لا ما أعرف ليش أفكر بهطريقة؟؟؟

وغير الغرور والكبر اللي أحس فيه أحيانا هذه الجزئية من حياتي اللي أحاول أخفيها وأدعو الله انه ما يبلي احد بها وهي أني كنت أمارس العادة السرية واكره عمري بعد هذا وما اعرف إذا كنت عذراء الحين أو لا فعلا أموت من الحرج لما أتكلم عن هالموضوع و أنا بس قاعدة أقول لكم كل شي عشان تساعدوني .

والمشكلة أني ما كنت اعرف أنها توجب الغسل فتخيلوا الصلاة والصيام اللي راحو عليوشي ثاني ذابحني وما ادري الله بيسامحني وله لا وهي أني تحرشت في بنت صغيرة وأنا كنت صغيره بعد بس يعني اكبر منها وهي مرة وحده بس كل ما أتذكرها أقول أنا شكنت أفكر فيه وأنا ادعوا الله له لعله يسامحني بس أنا لو حد سوى فيني جي ما راح أسامحه وهي ما تعرف لأنها كانت نائمة .

أعرف أنكم اللحين تحتقروني وما ألومكم لأني كل ما تذكر هالشي احتقر نفسي أكثر وأكثر أحيانا اشك أني مجنونه أو مريضة نفسيا..وشي حقير آخر وهي أني أحب اضرب نفسي على مؤخرتي..ما اقدر أضيف شي لأني حتى لما كنت اكلم نفسي عن هالموضوع أقول هذاك الشي المهين بدون ما اذكره بس الحين اكتشفت اشقد أنا مختله.

الحمد الله.. الله خلاني أقاوم العادة والضرب بس أحيانا أرجع، أما التحرش هي مرة والله لا يعودها دائما ينصحون بحفظ القرآن وأنا حقيقة ما أبغي أحفظه ولكن أبغي أعرف اقره بطريقة صحيحة فهل أنا منافقة دائما أتخيل أنه في شخص يحبني واني التزوج وووووووووووو أكيد بديتوا تعرفون طريقة تفكيري المختلة ودائما أتخيل انه عندي ولد وسميته عبد الرحمن

المشكلة العويصة هي أني كل ما أشوف شاب ويعجبني حتى لو بالتلفزيون خلاص على طول يصير زوجي واللحين ان شاء الله بشتغل ومكان شغلي فيه رجال أنا ان شالله ما راح أسوي شي سيئ ولكن الأفكار. هل تشقير الحواجب حرام والله المشايخ عقدوني هذا يقول حرام وهذا يقول حلال مب بس في هذا الموضوع ولكن في مواضيع كثير..شلون اختار الفتوى المناسبة وهي ما تكون عشان أنا أبغيها ولكن يعني هي الصح؟؟؟

كنت أتابع مشاهد مثيرة بالتلفاز الناس تظن أني ملتزمة وأنا حقيقتا (فاسدة) من الداخل هل في برنامج عملي أقدر أطبقه وبعدين أتغير؟؟؟؟ تأتيني أفكار تشكك في كل شي حتى في الله وأحيانا أتخيل أني أدوس القرآن وأسوي فيه أشياء مهينه الحقيقة ما أعرف ليش تجيني هالافكار؟؟؟ أصعب عبادة على قلبي الصيام مشكلة أسرتنا هي ان احنا صحيح نحب بعض ولكن عالصامت وإذا أنا مثلا زعلت من أختي أو أي شي بكلم أختي الثانية عشان تكلمها يعني ان ما أروح مباشرة وكلمها أفعل الكثير من