فهرس الكتاب
موفرت اللحى يستاهلون المدح والتأييد
أحب اللي يوفر لحيته ويقصر أشنابه
مقصرت الثياب اللي عن الشك للقبيح بعيد
فداهم من ينسف قذلته ويسحب ثيابه
على ذيك النواصي طبعة التقوى لها تحديد
إذا نام المفرط لازم السجّاد محرابه
ترى هذا الفخر والعز وخذ العلم بالتأكيد
علوم الشرع ترفع قيمة الطالب وترقى به
وترى علم العقيدة دائمًا يحتاج للتدقيق
خصوصًا في زمانٍ صاحب البدعة تقوى به
وترى راعي البدع شرّه يعم المجتمع ويزيد
ولا له كود يدمغ بالدليل لين يرضى به
مثل فعل بن حنبل يوم وقت الظلم والتهديد
وقف للمبتدع وقفة وربك ينصر أحبابه
وقصة خالد القسري مع الجهمي نهار العيد
من المنبر نزل للجعد بن درهم وضحى به
أحب أمدح هل السنّة بطيب أفعالهم وأشيد
وعسى يفدى هل التوحيد رؤوس الشرك وأذنابه
ــــــــــــــــــــــ