هذا وجهك يالمسافر لما كانت لي عيون ..

وينها عيوني حبيبي ..

سافرت مثلك حبيبي ..

القطار وفاتنا ..

والمسافر راح ..

الموعد الثاني**

خذاك .. الموعد الثاني ..

نويت ... تغيب .. وتنساني ..

مشت بك .. خطوتك لبعاد ..

وتركت .. لدمعتي ميعاد ..

مثل ذا الوقت تلقاني ..

وخذاك ..الموعد الثاني ..

أحبك .. كلها كلمه ..

ونظرة شوق خداعة ..

عطتني ..بالأمل دنيا ..

غريبه .. يومها بساعه ..

خذتني .. غصب عني لك ..

حسبت إني قمر ليلك ..

واثر شوفك تعداني ..

وخذاك ..الموعد الثاني ..

صديق الليل ..

لو تندم .. على جرح تركته لي ..

لا انسي قلبك المسكين ..

حبيب جرحك قبلي ..

ولكن سكتك تحتار ..

ابد .. بين الندى والنار..

والى منه قضى المشوار..

بدا مشوارك الثاني ..

مدري**

أنا مدري ..

اللهب حب.. او جوع ..

الحطب قلب .. او السعير .. ضلوع ..

ياترى هااليابس الموجوع ..

وش يقول ؟!

من يسمع الدخان ..

او يدري باسرار الحطب ..

من طرز سلوك الذهب .. في اغصانه ..

من خاط بقماش الرماد.. اكفانه ..

وهذا اللهب .. الطاغي الفتان ..

هالقاتل الشافي ..

من خلى في موته.. عمر ..

لولا حروف قلتها ..

وكانت .. شعر ..

شبيت فـ اطرافي ..

(( الماضي الحاضر ) )

صوتٍ شبيه الريح .. مشققٍ بأعواد شيح

مرتّق بالدم .. معتّق بالهم زافر

صوتٍ مثل خضر العروق اللي على ظهر الكفوف المبطيه نافر

صوتٍ ذبيح .. يصرخ يصيح .. إبلك خذوه القوم

بين الفزع والنوم ..

أسرجت مهري ألف ..

وسلّيت سيفي ألف ..

وظهرت تحت الشلف ..

ماكان في الشارع غير الرصيف والفجر ..

وبواب جيراني من هالمدى راجع ..

يحمل رغيفٍ حار .. زاد لثلاث صغار..

للمدرسه صحيوا ولبسوا مرايلهم ..

سنين سنين .. هالصوت الجارح الزاجر..

يصيح بي وينك.. قطفت بساتينك ..

وابلك خذته القوم.. خذته القوم هالابل..

أفّز وفي أنفي ..عجاجة الغاره ..

وأصحى وفي كفي ساعه ونظاره ..

مالي إبل أرجوك مالي نخيل .. لانصل ولا حافر..