تعبت من صوت العروق المبطيه.. ومن صمتي الفاجر..

وأنا أخر الفرّيس ظنك ..

أنا أخر الفرّيس ..

حسبك ياحادي العيس ..

هذا الزمن عاري ..لاردن ولا جوخه ..

يصهل مهر راكان ..

وينادي ابن مهيد ..

يوقف شعر هالبيد ..

هذا الزمن أصمخ .. مايسمع شيوخه..

شد الرحال .. سافر ..

دوّر ياحادي العيس .. روض وزهر ماديس

ولذنوبنا.. لذنوبنا غافر

وداع يا خضر العروق اللي على ظهر الكفوف المبطيه

يالماضي الحاضر ..

(( اليأس جدب والأمل غابه ) )

الرمل .. قرطاسةٍ صفرا ..

ما عليها اكتابه ..

كود .. أثار القدم .. يوم أنا أطابه ..

الشمس غضبا ..

والهجير .. عقرب السم ..

وانا تحت جلدي ..اتذرٌى به ..

ذيب .. يا ذيب الخلا ..

لاتشرف بالرجوم ..

لين يشربني الظما ..

لين ياكلني السموم ..

والذي قدٌر .. مواقيت الحتوف ..

مير أنا عظمٍ .. كسته عروق

جلدي المحروق .. مايطيق اثيابه ..

لوعشاك السيف .. ماذخرت انصابه ..

ذيب .. ياذيب الخلا ..

لاتختلني .. من ورى جال الشعيب ..

ماخبرت الذيب .. يفرس اذيابه ..

الشمس غضبا ..

والهجير .. عقرب السم ..

والياس جدب .. والأمل غابه ..

(( النسيان ) )

تذكر النسيان ... لاعاد تنساه

ياقلب ... وانسي القلب لعل يشفا

يدرى الحبيب ... انه حبيبٍ وابجفاه

ماهو خراب الكون ... لاقفيت واقفا

كان الخطا منى ... فقلبي خطاياه

هو علمه ... وشلون ... يهجر ويجفا

تعب المسافر ... وابعد الموج مرساه

صار المدى له يم ... والشمس مرفا

ومل الهوى نوحه ... وبوحه ... ونجواه

ماعاد لى صبر على الجرح ... تكفا

الى متى ...صدري بيحترق حناياه

كنك على صالي ...عظامي بتدفا

والى متى ... جفنى بيسقيك من ماه

كن الليالي لاصفا الدمع تصفا

تذكر النسيان .... ياقلب وانساه

وانسي ... الجروح اللي مع الوقت تشفا

(( الندم ) )

خل الندم .. يا مضيع الود يسقيك

كاس الهوان .. وذل نفسٍ تمتك

وخل الهوى يملا بعذابه لياليك

مثلي .. وأنا ساهر جروحي بسبتك

شْف ما بقى لك من غلا كود طاريك