ـ أكتر من الهمّ ع القلب

ـ اللي يكرهُه ربنا يسلّط عليه لسانُه

ـ الباب يفوّت الجمل

ـ دي موش دبّانه دي قلوب مليانه

ـ عين العدو تبان ولها زبان

ـ العين ما تكرهشي إلا احسن منها

ـ المركب اللي تودّي أخير من اللي تجيب

ـ النار والحريق ولا انت في الطريق

المجموعة الخامسة عشرة:

تشتمل هذه المجموعة على الأمثال التي تشير إلى معاني التهكم والسخرية، ومنها:

ـ أمير عاقل لا يهشّ ولا ينشّ

ـ إن كان بدّك تضحك ع الأسمر لبّسه أحمر

ـ بُكرهْ تموتْ يا ابو جبّهْ واعملْ لَكْ فُوق قبرك قُبَّه

ـ التُخْن ع الجميز

ـ تروح فين يا زعلوك بين الملوك

ـ حافيهْ وسابْقهْ المَداعي

ـ الخِيبهْ عزّ تاني

ـ دبّقي يا خايبه للغايبه

ـ ربنا ما يقطع بك يا متعوس يروح البرد يجي الناموس

ـ موش حايشك عن الرقص إلا قصر الاكمام

ـ من عجبك يا فتى تلبس هدوم الصيف في الشتا

ـ ياما جاب الغراب لامُّه

المجموعة السادسة عشرة:

تعبر هذه المجموعة من الأمثال عن النفاق والمداراة والرياء، ومنها:

ـ اتمسكن لما تتمكّن

ـ ارقص للقرد في دولته

ـ ألف كلب ينبح معاك ولا كلب ينبح عليك

ـ اللي تداريه تغلب فيه

ـ اللي في القلب في القلب يا كنيسه

ـ اللي ما تقدر توافْقُه نافْقُهْ

ـ إن جاك القرد راقص طبّلْ لُهْ

ـ إن دخلت بلد تعبد عجل حشّ واطعمه

ـ إن فعلت ما تقول وإن قلت ما تفعل

ـ إن كان لكْ حاجه عند كلب قول لُهْ يا سيدي

ـ أهل الميت والمعزّيين كفروا

ـ بوس ايد حماتك ولا تبوس ايد مراتك

ـ زيّ القط يسبّح ويسرق

ـ شامْتَهْ ومعزّيّهْ

ـ في الوشّ مرايه وفي القفا سلاّيه

المجموعة السابعة عشرة:

تعبر هذه المجموعة من الأمثال عن التقرب للمصلحة والمنفعة، وهي:

ـ زيّ الشيّال لا يذكر الله إلا تحت الحِمْل

ـ زيّ المراكبية ما يفتكروش ربنا إلا وقت الغرَق

ـ طلب الغني شقْفه كسَ الفقير زيرُه

ـ علشان كبابك أكب انا عدسي