الله أكبر كلام جميل جليل كلما غضضت بصرك يطلق الله نور بصيرتك يكون عندك نور أفهم يا عبد الله كلامي كثير من الشباب كنت لسة بقول لأحد الشباب أمبارح يا ابني إياك و الهوى فإن حلو الهوى آخره مر جاء حذيفة بن اليمان إلى عبد الله بن مسعود فقال أوصني فقال له عبد الله بن مسعود ألم يأتيك اليقين قال بلى قال فإياك و التلون فإن دين الله واحد تلك وصيتي لكل شاب كلمة عبد الله بن مسعود أقول تاني طب صلي اللهم صلي على النبي محمد و آله و سلم تسليمًا كثيرًا إياك و التلون فإن دين الله واحد معناها كلمة عمر بن الخطاب حين سُئِل عن الاستقامة قال أن تستقيم على الصراط و لا تروغ كروغان الثعالب مفيش تلون مفيش روغان امشي عدل كده على الصراط فالأخ بتاع امبارح قال لي ايه؟ قال طب حذيفة قد جاءه اليقين و أنا ما عندي يقين قلت أول اليقين نور البصيرة أول اليقين ايه نور البصيرة نور يقذفه الله في القلب تميز به بين الحق و الباطل بين الخطأ و الصواب معناه أستفتِ قلبك و إن أفتاك الناس و أفتوك. لما يبقى في القلب ايه؟! نور، نور ايه؟؟ البصيرة طب منين نجيب نور البصيرة؟ هو هنا الابتداء أول الخط اهوه مسكت أول الخيط أوله من هنا من غض البصر عن المحارم ان تغض بصرك عن محارم الله. دى لسه يا شباب في المقدمة السخنة اللي في الأول دي فقلت فيها أن اللي صام صح أن اللي صام صح تصبح عنده الدنيا لا شئ خلاص يتعلق قلبه بالآخرة ليه لأنك صُمت من الصبح للمغرب و عند المغرب قلت أواصل الليلة لأقتل نفسي فقعدت للساعة 12 و الساعة 12 قلت و الله كفاية كباية ميه و ثلاث تمرات زي ما النبي كان عايش كان عايش على الأسودين؟ التمر و الماء تفطر على 3 تمرات و كبايه ميّه لحد تاني يوم تانى يوم المغرب و بصيت تاني يوم المغرب لقيت نفسك تعبان أبدأً، زعلان أبدًا، مضايق أبدًا، ناقصك حاجة إطلاقًًا. أمال ليه بقى بتتكلم عن اللحمة و الفراخ و الفتة و الطبيخ و الدنيا ايه المشكلة ما 3 تمرات و كبايه ميّه كل الأربعة و عشرين ساعة ما نقصوش حاجة فهنا تصبح عندك الدنيا ايه لا شئ لا شئ ما قيمة الدنيا!! هنا تكون هذه البصيرة أتعرف لماذا أنت لا تصبر عن الشهوات؟ عارف ليه؟ لأطلاق البصر. لما أنت ماشي في الطريق كده و تشوف واحد لابس بنطلون تقوم تقول أهوه شايف البنطلون اللي هو لابسه ده شوفته في الفاترينة ب 193 جنيه و أنا مش لاقي أجيب بنطلون ب 23 جنيه شهوة خطيرة قال تعالى: (وَلا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَىِ) [1] غض بصرك عن هذا أيضًا. إمبارح أبو أنس ربنا يكرمه راجل طيب بيقولي يعنى أنا عملت قرشين عشان أحج نسأل الله أن يرزق المسلمين الحج بس هقول ايه تاني لان فعلا الصد عن بيت الله الحرام بقى ,بقت مشكلة في هذه الأيام يا رب يسر الحج للمسلمين يا رب فالمهم أنه هو بيقولي أن أخويه بيلبس بتاع ده بلوفر ب 190 جنيه؟! أنا بجيب من أبو 20 جنيه فأنا بقوله في بلوفر ب 190 جنيه؟! فقال لي ايه ده يا شيخ في بألف جنيه فقلت الغلط أنك تعرف إن في بألف جنيه قل كما قال النبي محمد مالي و للدنيا؟!

فأين هذا من هذا نحن لا نحرم طيبات ما أحل الله لكن كُل ما شئت و ألبس ما شئت ما أبطأتك خصلة شرف و مخيلة فإن المبذرين كانوا إخوان الشياطين و إن الله لا يحب المسرفين (وَلاَ تُسْرِفُواْ إِنَّهُ لاَ يُحِبُّ الْمُسْرِفِينَِ) [2] فأنتبه لهذه القضية المقصود أنك إذا غضت بصرك عن الفتارين اللي فيها المعروضات و غضت بصرك عن الملبوسات و نظرت الى القلوب و اهتممت بقلبك لم يصر عندك إهتمام بالدنيا رحم الله الأمام الشنقيطي تعرفونه؟؟ صاحب أضواء البيان يقول عنه ابنه مات أو تلميذه عطية سالم أيضا يقول مات الأمام و لم يكن يعرف الفرق بين الريال و الخمسة ريال؟، الريال من الخمسة ريال ميعرفش ليه؟؟ لأنه راجل عايش للعلم لكن أنت واجب عليك تعرف الجنيه من الخمسة لحسن يضّحك عليك مفيش مشكلة لكن القضية أن ميكونش هذا اهتمامك أن تجعل الدنيا في يدك لا في قلبك و لما نقول لا في قلبك يعني لا في عقلك أنت فاهم؟؟ مش لا في قلبك تقول و الله ما في قلبي ده أنا قلبي مليان حب ربنا هي مش في قلبك انت قصدك انها مش في قلبك ولكن في عقلك بتفكر ليل و نهار أزاي تنميها و أزاي تغذيها و ازاي تجيب و ازاي تبقى احسن منه و تجيب عربية أحسن من عربيته و تلبس أحسن من لبسه و ماحبش حد أبدًا يكون ولاده أحسن من ولادي أولادي يبقوا أحسن ناس .. من قال هذا؟ أنما فضل أولادك أن يكونوا عُبادًا لله يرضى الله عنهم المقصود إخوتاه أن الذي يغض بصره عن كل هذا فإن الجزاء من جنس العمل يورثه الله نور البصيرة بداية اليقين

الفائدة الثالثة:-

أن غض البصر يورث صحة الفراسة فإنها ثمرة نور البصيرة

الفائدة الرابعة:-

(1) سورة طه: 131

(2) سورة الأعراف: 31