فهرس الكتاب
وافطن لكلمة ويل يومٍ للإنسان ... في موقفٍ ما ينفع المرء جيبه
للشر ميزانٍ وللخير ميزان ... تكتب ملائكة السماء وتعدي به
خذلك نصيحة واحدٍ شاف الأكوان ... جرب غرابيل الدهر من نصيبه
وقال أيضا رحمه الله يحث الشاب المسلم على طلب معالي الأمور وتجنب سفاسفها
كم واحدٍ جاء له زمانه على الكيف ... واغترته نفسه يبي الجود وافي
يطلع مطاليع العلا بالسواليف ... بين العذارى عد روحه سنافي
يفرح بهرجٍ بالقفا يكره الضيف ... قتات والقتات بالنار هافي
يعلج قصيره علجة النار لليف ... عيٍ ولد عيٍ زنوده ضعافي
يرقد ويلحق والدينه تخاليف ... دائم ومرقد ميت النار دافي
هو ما درى أن الجود يبغى تكاليف ... سهر الليالي مقبلاتٍ مقافي
يبغى يدين للعطايا مغاريف ... ويبغى رجولٍ ما تمل الوقافي
والصبر بنحور السنين الشواحيف ... اللي قساهن مثل حد الرهافي
وقال أيضا
يا بنت خلي واحدٍ ما يصلي ... تارك عمود الدين مالك وماله
خلي ملعن والدينه يولي ... تلقين في نجد المسمى بداله
وقال الحربي
يا ربعنا ياللي حلقتم لحاكم ... وش علمكم ترمونها في القمامة
هذي سنةٍ ما سنها مصطفاكم ... علامةٍ يا شينها من علامة