بريدة الذي هم عملوا، ثم همو يمشون يم ابن رشيد، والذي معه من البادية على وادي عنيزة يريدون يجدونه عندهم لكن بر خواطر لأهل عنيزة.

أهل عنيزة بلغهم الخبر، ودفعوا قدر ستماية بواردي إلى الوادي بساعة وصول الخبر في ليل، وقالوا: أهل الديرة يلحقون ضبطوا اللّثامة.

ولما أصبحوا شافوا أنه ريح وانفشت.

ابن سعود في 15 شعبان 1325 ه‍وصل إلى عنيزة، معه غزو عديد حضر وبدو. استقام يوم واحد ومشى ليلة 17 منه الساعة أربع، واستغزا أهل القصيم، ومشى قبل يصلون إليه. وأهل عنيزة ظهر منهم أربعماية ذلول مردوفة سرّا يريد سلطان على أطراف بريدة، فحس فيه سلطان وشد ودخل بريدة. ولما وصل ابن سعود إلى مكانه، وإذا هو داخل. ولما صار الصبح مشى ابن سعود على الديرة، واظهروا أهل بريدة وابن رشيد. وإذا فيصل الدويش يقبل على وعد مع سلطان، يريد نصرته طلبا للثأر.

ولا علم بوصول ابن سعود إلى هذا المكان. ولما طالعوا جردته، ووصل على الطرفية ركب ابن سعود عليها ولحقها، ثم هجوا عنه، وأخذ تالي جيشهم، ورد على البيوت وأخذها، وقطع السوادين ونزل ابن سعود الطرفية.

أما سلطان فأهل بريدة قالوا: ما لنا إلّا نأتيه بغتة، وعقدوا رأيهم على ذلك، ونبهوا لأهل بريدة بالعرضة، وعرضوا خارج البلد، ثم أغلقوا الأبواب ومشوا فيهم، وأغلب الناس ما يعلم إلى وين. ولما صارت الساعة 8 ليلا، وإذا هم على مخيم ابن سعود، وإذا ابن سعود وقومه سارين جنس البارجة. واليوم كله أكاوين، وإذا هم حاطين نواطير دون