قبروں کی زیارت،قبروں میں راحت وعذاب

سوال:… قبروں کی زیارت کا شرعی حکم کیا ہے؟

جواب:… قبروں کی زیارت مستحب ہے۔

سیدنابریدہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:

(( إِنِّی کُنْتُ نَہَیْتُکُمْ عَنْ زِیَارَۃِ الْقُبُوْرِفَزُوْرُوْہَا ) ) [1]

'' میں تمہیں قبروں کی زیارت سے روکتا تھا، اب تم ان کی زیارت کرو۔''

سوال:… قبروں کی زیارت میں کیا حکمت ہے؟

جواب:… قبروں کی زیارت سے آخرت یادآتی ہے اورعبرت حاصل ہوتی ہے۔

(1) سیدنا ابوسعید خدری رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:

(( فَإِنَّ فِیہَا عِبْرَۃً ) ) [2]

''یقینا قبروں کی زیارت میں عبرت ہے۔''

(2) سیدنابریدہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:

(( فَإِنَّ فِی زِیَارَتِہَا تَذْکِرَۃً ) ) [3]

''یقینا قبروں کی زیارت میں نصیحت ہے۔''

(3) سیدناابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:

(( فَإِنَّہَا تُذَکِّرُ بِالْمَوتِ ) ) [4]

یقینا (قبروں کی زیارت) موت کی یاددلاتی ہے۔

[2] مسند احمد: ۱۱۳۲۹.

[3] سنن ابو داود: ۳۶۹۸.

[4] سنن ابو داود: ۳۲۳۴.