''انصار کی محبت ایمان کی نشانی ہے جبکہ انصار سے بغض نفاق کی نشانی ہے۔''

(۸) صحابہ کرام کو برا بھلا کہنا ملعون انسان کا کام ہے:

سیدناعبداللہ بن عباس رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:

(( مَنْ سَبَّ أَصْحَابِی فَعَلَیْہِ لَعْنَۃُ اللّٰه وَالْمَلائِکَۃِ وَالنَّاسِ أَجْمَعِیْنَ ) ) [1]

''جس شخص نے میرے صحابہ کو گالی دی اس پر اللہ تعالیٰ، فرشتوں اور تمام لوگوں کی لعنت ہے۔''

(۹) نیکی پر خوشی اور برائی پر رنجیدگی ایمان کی نشانی ہے:

سیدنا ابوامامہ رضی اللہ عنہ بیان کرتے ہیں کہ رسول اللہ رضی اللہ عنہ نے فرمایا:

(( إِذا سَرَّتْکَ حَسَنَتُکَ وَسَائَ تْکَ سَیِّئَتُکَ فَأَنْتَ مُؤْمِنٌ ) ) [2]

''جب تیری نیکی تجھے خوش کردے اور تیری برائی تجھے بری لگے تو ، تومومن ہے۔''

(۱۰) جو چیز دل میں کھٹکا پیدا کرے اسے ترک کردینا چاہیے:

سیدناابوامامہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:

(( إِذَا حَاکَ فِیْ نَفْسِکَ شَیْئٌ فَدَعْہُ ) ) [3]

''جب تیرے دل میں کوئی چیز کھٹکے تو اسے چھوڑدے۔''

(۱۱) قرآن کو سیکھنے اور سکھانے والا کائنات کا بہترین شخص ہے:

سیدنا عثمان وعلی رضی اللہ عنہما بیان کرتے ہیں کہ رسول کریم صلی اللہ علیہ وسلم نے فرمایا:

(( خَیْرُکُمْ مَنْ تَعَلَّمَ الْقُرْآنَ وَعَلَّمَہٗ ) ) [4]

''تم میں بہترین وہ ہے جو قرآن سیکھے اور سکھائے۔''

[2] صحیح الجامع: ۶۰۰.

[3] صحیح الجامع: ۴۸۴.

[4] صحیح الجامع: ۳۳۱۹.