لکھی جو بڑی مقبول ہوئی۔ ۲۶ رمضان المبارک ۱۲۷۶ھ کو وفات پائی۔ مولانا احمدی کی صاحبزادی سے شادی ہوئی جن سے دو صاحبزادے پیدا ہوئے: مولانا محمد یحییٰ اور مولوی وارث محی الدین۔ [1]

مولانا محمد یحییٰ پھلواروی:

مولانا محمد یحییٰ ۵ ذی الحجہ ۱۲۲۶ھ کو پیدا ہوئے۔ کتبِ درسیہ کی تکمیل اپنے چھوٹے چچا مولانا محمد حسین سے کی۔ طویل عمر پائی اور بے شمار طلابِ علم کو مستفید کیا۔ ۶ رمضان المبارک ۱۳۱۷ھ کو وفات پائی۔ تین شادیاں کیں ۔اللہ نے تین صاحبزادے اور ایک بیٹی عطا کی۔ ان کے صاحبزادے مولانا عنایت رسول تھے۔ [2]

مولاناعنایت رسول پھلواروی:

مولانا عنایت رسول ۹ ربیع الاول ۱۲۴۸ھ کو پیدا ہوئے۔ کتبِ درسیہ اپنے والد سے پڑھیں ۔ ۱۲۷۹ھ میں فریضہ حج ادا کیا۔ ۹ رجب المرجب ۱۲۸۱ھ میں جواں سالگی میں وفات پائی۔ اللہ نے تین بیٹے عطا کیے تھے: مولانا شاہ علی نعمت، مولوی علی محی الدین اور مولوی عبد الحمید۔ [3]

یہاں مولانا شاہ علی نعمت کے تفصیلی حالات رقم کرنا مقصود ہیں ۔

ولادت و طفولیت:

مولانا کی ولادت با سعادت ۷ رجب المرجب ۱۲۷۲ھ کو پھلواری میں ہوئی۔صرف نو (۹) برس کی عمر میں ۹ رجب ۱۲۸۱ھ کو داغِ یتیمی سے آشنا ہوئے، جس کے بعد اپنے دادا بزرگوار مولانا محمد یحییٰ پھلواروی کے زیرِ تربیت شعور کی منزلیں طے کیں ۔

کسبِ علم کے مختلف مراحل:

مولانا نے ابتدائی تعلیم اپنے دادا بزرگوار مولانا محمد یحییٰ سے حاصل کی۔ کتبِ درسیہ کی تکمیل

[2] مولانا یحییٰ پھلواروی کے حالات کے لیے ملاحظہ ہو: آثاراتِ پھلواری شریف (ص: ۲۹۱، ۲۹۲) تذکرۃ الصالحین (ص: ۲۰۲)

[3] مولانا عنایت رسول پھلواروی کے حالات کے لیے ملاحظہ ہو: آثاراتِ پھلواری شریف (ص: ۲۹۲)