''نبیِ اکرم صلی اللہ علیہ وسلم بھی آمین کہا کرتے تھے۔'' [1]

صحیح بخاری و مسلم، ابو داود و نسائی اور دیگر کتبِ حدیث میں ارشادِ نبوی صلی اللہ علیہ وسلم ہے:

''جب امام {غَيْرِ الْمَغْضُوبِ عَلَيْهِمْ وَلَا الضَّالِّينَ } [الفاتحۃ: ۷] کہے تو تم آمین کہو، جس کا آمین کہنا فرشتوں کے آمین کہنے سے مل گیا، اس کے پہلے گناہ بخشے گئے۔'' [2]

آمین سے چِڑنے پر وعید:

اُمّ المومنین حضرت عائشہ رضی اللہ عنہا سے مروی ارشادِ نبوی صلی اللہ علیہ وسلم ہے:

''یہودی تمھارے ساتھ اتنا حسد کسی دوسری بات پر نہیں کرتے جتنا حسد وہ تمھارے باہم سلام کہنے اور آمین کہنے پر کرتے ہیں۔'' [3]

عملِ مصطفوی صلی اللہ علیہ وسلم:

حضرت وائل بن حُجر رضی اللہ عنہ سے مروی ہے:

''میں نے نبیِ اکرم صلی اللہ علیہ وسلم کو سنا کہ آپ صلی اللہ علیہ وسلم نے { غَيْرِ الْمَغْضُوبِ عَلَيْهِمْ وَلَا الضَّالِّينَ } پڑھا تو آمین کہا اور اپنی آواز کو لمبا کھینچا۔'' [4]