(( کَانَ۔۔۔ اِذَا قَعَدَ فِی التَّشَہُّدِ۔۔۔ عَقَدَ ثَلَاثَۃً وَّخَمْسِینَ وَاَشَارَ بِالسَّبَّابَۃِ ) ) [1]

''آپ صلی اللہ علیہ وسلم جب تشہّدکے لیے بیٹھتے… تو انگلیوں سے ترپّن (۵۳) کا عدد بناتے اور انگشتِ شہادت سے اشارہ کرتے تھے۔''

دوسری حدیث:

صحیح مسلم، ترمذی، نسائی، ابنِ ماجہ، ابن خزیمہ، ابی عوانہ، بیہقی، مصنف عبدالرزاق اور مسند احمد میں حضرت ابن عمر رضی اللہ عنہما ہی سے مروی ہے:

(( کَانَ اِذَا جَلَسَ۔۔۔ رَفَعَ اِصْبَعَہُ الْیُمْنٰی الَّتِیْ تَلِی الْاِبْہَامَ یَدْعُوْ بِہَا ) ) [2]

''آپ صلی اللہ علیہ وسلم جب قعدہ کرتے۔۔۔ تو دائیں ہاتھ کی، انگوٹھے کے ساتھ والی انگلی اٹھاتے اور اُس وقت دعا مانگ رہے ہوتے۔''

تیسری حدیث:

تیسری حدیث ابو داود و ترمذی، نسائی و ابن ماجہ، ابن حبان، دارمی، ابن خزیمہ، مسند احمد اور سنن کبریٰ بیہقی میں حضرت وائل بن حجر رضی اللہ عنہ سے مروی ہے، جس میں وہ فرماتے ہیں:

(( ثُمَّ جَلَسَ۔۔۔ وَحَلَّقَ حَلْقَۃً۔۔۔ ثُمَّ رَفَعَ اِصْبَعَہٗ فَرَأیتُہٗ یُحَرِّکُہَا یَدْعُوْ بِہَا ) ) [3]