بات کو خوب اچھی طرح سمجھنے سمجھانے کی غرض سے انھی آیات کے حوالے سے ذیل میں توفیقِ الٰہی سے چھ باتیں درج کی جارہی ہیں:

۱: شیخ قاسمی لکھتے ہیں:

یہ آیات دلالت کرتی ہے، کہ بندے کی فلاح [شرم گاہ کی حفاظت] پر موقوف ہے۔ بلاشبہ اس کے بغیر اس کی فلاح کی کوئی سبیل نہیں۔

یہ آیت اپنے اندر تین باتیں سموئے ہوئے ہے:

-- اپنی شرم گاہ کی حفاظت نہ کرنے والا فلاح سے محروم رہا،

--حدودِ الٰہیہ سے تجاوز کرنے (کے بُرے وصف) کا مستحق قرار پایا

-- اور قابلِ ملامت ٹھہرایا گیا۔

شہوت کے پورا نہ کرنے پر مشقت برداشت کرنا، تو ان تین باتوں (کا مستحق ٹھہرائے جانے) سے آسان ہے۔ [1]

۲: علامہ الوسی لکھتے ہیں:

{وَالَّذِیْنَ ہُمْ لِفُرُوْجِہِمْ حَافِظُوْنَ۔ اِِلَّا عَلٰی اَزْوَاجِہِمْ اَوْ مَا مَلَکَتْ اَیْمَانُہُمْ} میں بیان کیا گیا ہے، کہ وہ [پاک دامن ہیں] ۔ ان کا سابقہ ذکر کردہ وصف {وَالَّذِیْنَ ہُمْ عَنِ اللَّغْوِ مُعْرِضُوْنَ} [لغو سے اعراض کرنا] بھی ان کے [پاک دامن] ہونے کا تقاضا کرتا ہے، لیکن [پاک دامنی] کی اہمیت اُجاگر کرنے کی خاطر اسے ذکر کیا گیا ہے۔ [2]

۳: شیخ ابن عاشور {فَاِِنَّہُمْ غَیْرُ مَلُوْمِیْنَ} [3] کی تفسیر میں رقم طراز ہیں:

''اس کا مفہوم اس بات پر دلالت کرتا ہے، کہ ان (بیویوں اور لونڈیوں)