ـ [الطيماوي] ــــــــ [13 - 05 - 08, 05:18 م] ـ
نحن بانتظارك، وأنا من مستخدمي هذا البرنامج منذ فترة طويلة جدا وأثني عليه خير الثناء لكن النسخة التي على موقعي منه نسخة أقدم من هذه، وميزات هذه أكبر
ـ [إسماعيل سعد] ــــــــ [13 - 05 - 08, 05:21 م] ـ
اضغط Next هتظهر الشاشة التالية:
شيل علامة صح على الـ Live Update لاننا مش محتاجين حاليا تحديث ثم اضغط finish
لفك البرنامج هتلاقى على الاسطوانة فولدر اسمه EDGE افتحه وشغل الـ KEYGEN.EXE
هتلاقى سيريال مكون من مجموعة مقاطع انقلها في الخانات الخالية في برنامج الجوست عندما تظهر وانهى النافذة بالموافقة
وبعد ذلك عندما تختار Help و About من نافذة البرنامج ستجد ان البرنامج تم تفعيله أو Activated كما في الصورة التالية:
ـ [إسماعيل سعد] ــــــــ [13 - 05 - 08, 05:22 م] ـ
بالمناسبة النافذة السابقة تتيح لك نحديث برنامج الجوست للحصول على أحدث ملفات وأداء افضل للبرنامج عن طريق الضغط على Live Update
أولا كيف نأخذ نسخة احتياطية من الويندوز الموجود على درايف الـ C:
بدون الدخول في تعقيدات الشاشات والتوهان في البرنامج ابدأ معايا وتابع
لو نافذة البرنامج الرئيسية مش ظاهرة هتلاقى ايقونة البرنامج الدائرية البرتقالية اللون جنب الساعة اسفل ويمين شريط المهام
كليك يمين على الايقونة واختار اول اختيار Open Norton Ghost
هتظهر شاشة البرنامج وعلى اليسار ستجد شريط فيه مجموعة ازرار اختار زرار Advanced
هتظهر الشاشة التالية:
ـ [إسماعيل سعد] ــــــــ [13 - 05 - 08, 05:23 م] ـ
هتلاقى مجموعة المهام Tasks وتحتها مجموعة اختيارات هنختار منها Define new backup لبدء مهمة نسخ احتياطى جديدة
فيظهرلك مربع حوارى لبدء مهمة النسخ الجديدة في الشاشة التالية:
ـ [إسماعيل سعد] ــــــــ [13 - 05 - 08, 05:24 م] ـ
هنتاكد من اختيار الاختيار الاول وهو نسخ درايف بالكامل أو الهارد ديس بالكامل وليس بعض الملفات ونضغط Next
طيب نختار بارتيشن الـ C اللى عليه الويندوز اكس بى في مثالنا للنسخ بالكامل كنسخة احتياطية
على فكرة ممكن نختار أكتر من درايف في وقت واحد باستخدام CTRL مع اختيار الدرايفات بالماوس
ـ [إسماعيل سعد] ــــــــ [13 - 05 - 08, 05:25 م] ـ
المهم اخترنا الـ C في مثالنا وفى الشاشة تحت هتظهر معلومات عن درايف C والمساحة المستخدمة والخالية
نضغط Next
طبعا نختار Independent ونضغط Next
ـ [إسماعيل سعد] ــــــــ [13 - 05 - 08, 05:26 م] ـ
طيب ماهو الفرق؟؟
النسخة الـ Independent يعنى نسخة من الويندوز مستقلة بذاتها
بمعنى لو حبيت تعيد نفس المهمة مرة تانية بعد كدا هيبدأ يعمل نسخة جديدة احتياطية من الـ C
لكن لو اخترت الاختيار الاول Recovery point set معناها ان النسخ هيبقى تراكمى
يعنى لو حبيت تعيد نفس المهمة مرة تانية بعد كدا هيضيف البرنامج على النسخة الاحتياطية القديمة الجديد من الملفات اللى اتضافت على درايف الـ C ولن يحذف من النسخة الاحتياطية القديمة الملفات التى حذفتها من الـ C
المهم هنختار Independent ونضغط Next
ركز معايا في الشاشة الجاية الله يخليك:
ـ [إسماعيل سعد] ــــــــ [13 - 05 - 08, 05:26 م] ـ
اين ستضع ملف النسخة الاحتياطية؟؟
اضغط على Browse لاختيار فولدر نضع فيه النسخة الاحتياطية
أو اعمل فولدر جديد على الـ D في حالتنا انا عملت فولد جديد وسميته (صورة ويندوز اكس بى)
خلى بالك غير مسموح باختيار الـ C كمكان لتخزين النسخة لأنه ببساطة الـ C هيتنسخ
واضغط Ok عشان نرجع للنافذة الاولى
شوف تحت فيه خاصية جديدة روعة في الجوست 14
خاصية الـ offsite copy يعنى النسخ الاوفسايد بمعنى نسخ نفس النسخة مرة تانية في مكان تانى مختلف
المكان التانى دا ممكن يكون درايف الـ E مثلا اللى موجود على الجهاز
وممكن يكون درايف الـ D مثلا اللى موجود على جهاز كمبيوتر تانى خالص متوصل مع جهازك على شبكة واحدة
ياسلام على الروعة بجد خاصية جديدة ملهاش حل
مش كدا وبس دا ممكن المكان التانى ده يكون موقع تخزين على الانترنت FTP
طبعا هذه الخاصية حسب رغبتك لو رغبت في استخدامها فهى اختيارية
كنسخة اضافية اخرى بجانب النسخة الاحتياطية الاصلية
اضغط Add
(يُتْبَع .. اقلب الصفحة)