اللہ تعالیٰ نے آپ کی دعا قبول فرمائی اور ایسی عظیم الشان حکومت اور بے انتہا دولت وثروت عطا فرمائی کہ جس کے صرف و خرچ اور دادو دہش پر منجانب اللہ کوئی روک یا بازپرس بھی نہیں تھی۔ اس کے با وصف سلیمان علیہ السلام اس دولت و حکومت کو اللہ کی مخلوقِ کی خدمت کے لیے امانت الٰہی سمجھ کر مصرف میں لاتے اور اپنی ذات پر ذرا بھی خرچ نہیں کرتے تھے بلکہ اپنی روزی ٹوکریاں بنا کر حاصل کرتے تھے۔اور تمام تر شوکت و سطوت کے باوجود مقام بندگی پہ نازاں تھے۔