ثم تزوجنا في بيت إسلامى في صعيد مصر ثم بعد كدة لقيت إن الإسلام دين الحق وأرجو أن أنا ما أرجعش للمسيحية مرة أخرى وبتكلم الكلام دة مش تحت تأثير ولا تخدير ولا مربوطة ولا مخطوفة، مش ممكن يعنى تكون واحدة بقلها سنتين أو أكثر مخطوفة وعايشة كدة، لا أنا كويسة جدا ومتزوجة ومعايا أطفال، ويا ريت ياريت أنهم مالهمش دعوة بينا إحنا محناش عايزين نرجع تانى لأن احنا أسلمنا وأشهرنا إسلامنا ونطقنا بالشهادتين (وأشهد أن لا إله إلا الله وحده لاشريك له وأشهد أن محمد عبده ورسوله) وإحنا مش بنجوع زى ما هما بيقولوا ولا مش بناكل ولا بنشرب إحنا عايشين حياتنا كريمة جدا ومبسوطين جدا، ياريت يسيبونا في حالنا (إحنا مش راجعين تانى خالص مش راجعين مش هنرجع) بقولكوا أهو، وأنا بقول نداء لكل شعب مصر نداء لشعب مصر وللرئيس إحنا بلدنا بلد ديمقراطية ياريت ياريت ياريت"باستحلفكم بالله"انكم تقفوا جنبنا أنا وأختى لأن مصيرنا إحنا إخترناه ومش إحنا اللى إخترناه كمان ربنا هو اللى إختاره لنا وإحنا راضيين بيه وإحنا في عيشة أسرية هنروح فين؟؟ معانا أطفال عايزنا ليه تانى؟؟ إحنا ناس متزوجين ومعانا أطفال عايزنا في إيه تانى، وبنقول لكم إحنا أسلمنا، أظن لا إكراه في الدين إننا نرجع ونكره على دين إحنا محناش عايزينه يريت تقفوا جنبنا والريس يقف جنبنا وشعب مصر كله يقف جنبنا وما نبقاش زى وفاء قسطنطين أو غيرها أو غيرها أو غيرها اللى مرميين في الأديرة ومحدش يعرف مصيرهم ايه ياريت أنا واحدة بقولكم أنا أسلمت يا شعب يا مسلم يا شعب يا مصرى يا أمة يا عربية يا إسلامية بقولكم أنا مسلمة أسلمت ونطقت بالشهادتين بقولهالكم تانى (أشهد أن لا إله إلا الله وحده لاشريك له وأشهد أن محمد عبده ورسوله) يا ريت، سيبونا، إحنا مطاردين في بلدنا إحنا عايشين مطاردين في بلدنا ليه علشان خاطر ايه مش بتقولوا مصر بلد الديمقراطية!!!! ياريت بقى تورونا ايه هى الديمقراطية صحيح ياريت نعيش زى أى وحدة بدل ما انا مطاردة أنا وزوجى ومعايا أطفال، يعنى كل يوم في مكان وفى بلد ونتغرب وبنجرى ورا بعض ليه؟؟ محناش راجعين وبنقول تانى محناش راجعين (وأنا مستعدية لأى مناظرة مع أى واحد من أى رجل دين مسيحى ولو كان أكبر واحد فيهم أنا مستعدية للمناظرة والقعدة معاه وعلى أى قناة وعلى أى شاشة في التليفزيون وبشرط أن الدنيا كلها والعالم كله يسمعا) وأنا إيدية أهى مش مقيدة وبتكلم بجميع قوايا العقلية ولا مربوطة ولا مخدرة أنا بتكلم كويس جدا وبقول لكم أنا مش مخطوفة أنا ماشية بكامل قوايا العقلية ومش ممكن تكون فيه واحدة مخطوفة تقعد سنتين مخطوفة مش ممكن إعقلوا أنتم يا شعب مصر يا مصريين يا مسلمين أنا نطقت بالشهادتين هتردونى هاختصمكم أمام الله عز وجل يوم القيامة (يَوْمَ لَا يَنْفَعُ مَالٌ وَلَا بَنُونَ، إِلَّا مَنْ أَتَى اللَّهَ بِقَلْبٍ سَلِيمٍ) (وأشهد أن لا إله إلا الله وحده لاشريك له وأشهد أن محمد عبده ورسوله)