أحمد جبريل: رأسا إيجه على التليفون ونادى الشُعب الرئيسية في الأركان خلال نصف ساعة كان إيجوا، بقينا من ساعة ثمانية إلى الساعة الواحدة صباحا وأنا أتناقش معهم بالنهاية يمكن رب العالمين وفقني صاروا يتفرجوا ببعض قلت لهم إنتوا تبع الانفصال جاهزين لتحرير فلسطين؟ هل كان فيه خطة لتحرير فلسطين؟ هايدا الرئيس عبد الناصر بيقول أنا ما عندي خطة لتحرير فلسطين ولا حاكم بيقول.. إحنا كفلسطينيين قالوا لي أنت سوري قلت لهم أنا آخِد الجنسية السورية بس أنا فلسطيني في هذا الموضوع في هالشأن هذا فقالوا لي طيب انتظر في الخارج عند مدير المكتب بعد ساعة ساعة ونصف بعتوا وري معي حقيبتي أنا اللي فيها أدوات السجن قالوا لي بكرة بتروح على الثكنة تبعك وبنبلغك شو بنعمل، أخدوا قرار في عقوبة 45 يوم سجن ولكن ما أحالوني على المحكمة العسكرية يعني اكتفوا في عقوبة اللي هو بيعملها رئيس الأركان.

أحمد منصور: لكن مطيع السمان بينكر إنهم..

أحمد جبريل: لا عم بيقول هو عاقبني قال عشرين يوم يعني ولفلف القصة لا هذه هي الحقيقة بهالشكل هذا..

أحمد منصور: إنه تفاهم وتفاعل معك ويعني تعاطف مع قضيتك وتفهمها في الوقت اللي هي لو نظر لها نظرة عسكرية بحتة تُحاكَّم محاكمة عسكرية وتطرد من الجيش.

الكتيبة 68 كتيبة استطلاع شكلها السراج وعبد الناصر في سوريا وقائدها أكرم صفدي