أحمد منصور: وليس أحد من طرفك؟

أحمد جبريل: لا.

أحمد منصور: ما فيه حد من الجبهة الشعبية؟

أحمد جبريل: إحنا مقاطعين عمل ما نقوم يعني شو اللي صار قال هاي لجنة فيشر يقولون أن الإسرائيليين أُتعِبوا من حرب الاستنزاف والآن يفتشون عن حل للانسحاب وتنفيذ القرار 242..

أحمد منصور: اللي هو العودة لحدود 1967..

أحمد جبريل: لحدود 1967 ولكن يسألوننا هل الضفة الغربية لمن بعد الانسحاب الإسرائيلي فأنا سألتهم شو كان جوابكم، قال جوابنا واضح قلنا له هاي لنا إحنا منظمة التحرير وقلنا إحنا كفلسطينيين وكانت أيامها كان الضفة الغربية جزء من المملكة الأردنية الهاشمية عارف كيف فقلت لهم أنا في بدء القتال ابشروا بدأ القتال بينا وبين الملك حسين ما عاد فيه فقط الممارسات اللي على الأرض هي اللي الآن أصبح فيه خلاف سياسي قال شو لازم نجاوب كنتوا يا أخي قلتوا لهم يعني حكيت أنا في الجلسة ما من الضروري إنه تعطوا مثل هذه الجواب قولوا لهم لما ترجع الضفة الغربية سنتفاهم إحنا والملك حسين عليها ليش نختلف على جلدة الدب هذا في هذا الموضوع قالوا هذا اللي حصل راحت فيشر عند الملك حسين اللجنة قالت له هيك وهيك الإسرائيليين مفكرين إن ينسحبوا وتنفيذ قرار 242 هاي الضفة الغربية لمن قال الملك حسين هي جزء من المملكة الهاشمية شو قالوا لهم قالوا لهم التقينا إحنا مع الفلسطينيين بالأمس وقالوا هاي لهم مش لك عارف كيف، يعني أنا عم بعطيك كيف الظروف عم تتهيأ لعملية التصادم اللي كان موجود..

أحمد منصور: والجناية على الشعب الفلسطيني والقضية الفلسطينية.

مشروع روجرز والانسحاب إلى حدود 1967

أحمد جبريل: طبعا ها الموضوع مطروح ها إلى حين ما إيجه مشروع روجرز الثاني بشهر خمسة 1970..

أحمد منصور: مايو 1970.

وافق عبد الناصر والملك حسين على وقف حرب الاستنزاف للتمكين للمفاوضات السياسية والاتفاق على انسحاب إسرائيلي إلى حدود عام 1967