أحمد جبريل: إحنا كنا ضد هذا الموضوع ولكن الآن هو قول حق يراد به باطل، طيب إذا طلعنا إحنا للجبال وهذا الجيش الأردني موجود وقع بيننا ما وقع عارف كيف طيب، شو الضمانات إنه إحنا في هالجبال لا يستفرد بنا الجيش الأردني عارف كيف بهالجبال هاي اللي إحنا موجودين فيها؟ ففي الاجتماعات التي طرحت بعد ذلك الفلسطينية وأذكر في جبل وده اجتماع تم للقيادة الفلسطينية، عملنا عملية تقييم طلبنا إنه والله يصير عملية تقييم وأنا شخصيا طلبت إنه يصير عملية تقييم لكل تنظيم عن أدائه في هذه المعركة.
أحمد منصور: قيمتم في تنظيمكم أنتم كما ذكر طلال ناجي ولكن الآخرين لم يقيموا بقوا هم على صوابهم.
أحمد جبريل: بالضبط وكان تقييمنا في منتهى القسوة.
أحمد منصور: ما النتائج النهائية؟
أحمد جبريل: عم بقول لك يعني تصور تقييمنا مسؤول الدائرة العسكرية عارف كيف قُصر من مرتبته المسؤول العسكري في الجبهة..
أحمد منصور: بسبب؟
أحمد جبريل: بسبب لأنه والله لم يقم بدور فاعل..
أحمد منصور: في قتال الأردنيين؟
أحمد جبريل: محمد حديد لا يعني كان موجود في عمان مع أبو جهاد طلال، اكتفى أن يكون معه مرافق يعني إنه تحت حجة إنه أبو جهاد طلال يده رايحة وعينه رايحة، طب وين دورك أنت في المعركة؟ أنت المفروض أن يكون لك دور قيادي قادر تحط شخص أو شخصين فردين خمسة عشرة يقعدوا معه يعني ويتنقلوا معه، أنت تصفي بس عبارة عن هذا الموضوع يعني هذا، فيه اثنين أعضاء مكتب سياسي بالساعات الأولى للقصف راحوا تخبوا مثل ما بيحكي أبو أياد وثاني وإلى أخره طب إنتوا وين دوركم بين الجماهير بين الشعب في المخيمات المفروض إنه والله كل واحد يأخذ دوره في هالمواضيع أخي..
أحمد منصور: مين هيطلع يموت إلا إذا هيموت أمام عدوه؟
أحمد جبريل: يا أخي فاهم يعني كان ما هو أنت هون في مرحلة الدفاع عن النفس مش عاد القصة هيتصفى إنه من المعتدي..