أحمد منصور: لأنك بتقول أنكم أنتم اللي نهبتم البنوك وهما بيقولوا أنكم أنتم اللي نهبتوا البنوك.

أحمد جبريل: هذا الكلام مو صحيح يعني.

أحمد منصور: بس أنتم بنك الريف والمحلات.

أحمد جبريل: كان بقطاعنا بنك الريف بس..

أحمد منصور: كان في قطاعكم.

أحمد جبريل: بس هذا..

أحمد منصور: مين اللي نهبه، من الذين معك أي عصابة اللي نهبته؟

أحمد جبريل: أنا قلت لك هادول الناس اللي هما إحنا أدناهم والمقاتلين كادوا يشتبكوا معهم ويقتلوهم صراحة..

أحمد منصور: طيب البنوك الثانية كانت في قطاع من..

أحمد جبريل: كانوا بقطاع المنظمات الأخرى وأحزاب اللبنانية..

أحمد منصور: مين يعني؟

أحمد جبريل: أنا عم بتسألني مين، أنا ما شفت بعيني هذا الموضوع سمعت عارف كيف أن هناك ناس..

أحمد منصور: لكن بتبرأ نفسك من هذه المسؤولية والتنظيم.

أحمد جبريل: وهذا كل الناس بيعرفوه، يعني اللي متابعين لهذه القضايا بيعرفوه يعني في هذا الشأن.

أحمد منصور: الناس دول ألم يلوثوا تاريخ النضال الفلسطيني؟

أحمد جبريل: طبعا ما هو يعني أنا ليش حزني كان أنه إحنا ناس مثل البرلنت مثل الجوهرة بتيجوا أنتم بتلوثوا نضالاتنا، تخيل أنت قبل سنة ولا سنة ونصف عم بتقوم بعمليات استشهادية لأول مرة في التاريخ وبتهز هذا الكيان، اختل موازين القوى على الجبهة الانعزالية إجا هؤلاء المقاتلين ليصدوا في دمائهم ونضع خيرة هؤلاء المقاتلين يعني كنت أنا أتصور أنه إحنا نوع من التطهر عندنا تطهر كبير للغاية فكيف هذا التطهر ينقلب لبعض الناس الانتهازيين ليقوموا بمثل هذه الأعمال..

أحمد منصور: لكن أنتم أيضا ألم تكونوا بحاجة إلى مال وإلى دعم لتمويل هذه العمليات ويعتبر هذا المال بالنسبة لكم مال حلال؟

أحمد جبريل: إحنا أحكي لك هذا كلها مواد عينية يعني ملابس..

أحمد منصور: لأ البنوك أنا قصدي البنوك.. الفلوس.

أحمد جبريل: البنوك أنا قلت لك..