أحمد جبريل: لا كانوا صغار يعني قلت يا ترى ها التاريخ ممكن بكره يظلمني ويقولوا هذا قُتل أبوهم من أجل والله موقف سوريا وكنت متآمر على المقاومة الفلسطينية اللي بدها تحرر فلسطين تحرر حيفا ويافا طب أنا شو علمت هيك كان بالسهل أنا بطلقها بالقنابل هاي القفازة اللي حاكيت لك عنها المعدلة من هون ومن هون وأقسم لك بالله وكأنه وحي هيك أجى قال لي ليش زعلان طب المسيح يهوذا الأسقريوطي باعه بعشرة فضة أثبت عم بحكيك ما هو وقت كبير وقت زي من الساعة عشرة للساعة ستة مساء عارف كيف وأنا بيني وبين مكتب أبو عمار 75 متر.
أحمد منصور: أبو عمار لم يتحرك.
أحمد جبريل: 75 متر.
أحمد منصور: وكان موجود في المكتب.
أحمد جبريل: طبعا موجود.
أحمد منصور: كان في بيروت في ذلك الوقت.
أحمد جبريل: بعد شوية يعني أتضايق أني أنا هلا طيب بعد شوية بده يموت شو بدهم يحكوا أولادي تاريخهم ما أشوف ألا واحد أنا يجي هيك والله كوحي.
أحمد منصور: العشرة اللي معك لم يصب منهم أحد؟
أحمد جبريل: لا كلهم أباضايات مقاتلين ينتقل من شباك إلى شباك ومن هون لهون.
أحمد منصور: والفلوس أتحرقت؟