أحمد جبريل: كانت هناك تجربتين، التجربة أين اللي هي مفسدة الثورة والتجربة الثورية الحقيقية في الكفاح المسلح اللي كنا الولوج والخروج إلى الوديان وإلى الجبال وصنعت تجربة وهذه التجربة اللي إحنا مشينا فيها سببت قلق وضغط حتى على الأخ أبو عمار يعني من قواعده إنه طب إحنا ليش عم نوقع فينا خسائر كبيرة في الطيران وعم نضطر ندخل إلى المدن والشوارع ثم نأتي إلى بيروت أذكر جيدا أنه أتصل مرة الأخ أبو عمار ويمكن يكون عم بيسمعني هلا..

أحمد منصور: إن شاء الله يسمعك حتى يسعى للإجابة على هذه التساؤلات.

أحمد جبريل: قال لي بدي أبو جهاد أمر عندك قلت له أهلا وسهلا جاء أنا بيني وبينه صداقة يعني رغم كل هالخلافات لأنه هو دمث ويعني..

أحمد منصور: رجل يجيد أن يجمع الناس حوله.

أحمد جبريل: يعني دمث وخلوق وإلى آخره.

أحمد منصور: هو فلتة بدون شك، هو فلتة يعني.

أحمد جبريل: عم أقولك يعني..

أحمد منصور: يعني عنده إمكانيات يعني أهلته إلى أن يبقى إلى هذه الفترة بهذا الشكل.. تفضل.

أحمد جبريل: فقالي أنتم نجحتوا في هذه التجارب وهذه ثبتت فعلا..

أحمد منصور: تجارب الأنفاق يعني؟

أحمد جبريل: الأنفاق والمغر وإلى التحصينات يعني وأنت بدك توقف تأثير هالسلاح الجوي اللي عند العدو اللي هو الذراع الطويلة تبعه قال لي أنا بدي منك خدمة قلت له تفضل قال بدك تعيرني قسم من هذه الأدوات لحتى نعمل هذه التجارب إحنا عارف كيف يعني أعيره..

أحمد منصور: الأجهزة اللي عملت بها الأنفاق.