أحمد جبريل: أكبر منا بكثير ولكن مثل ما قلنا لك تسليحها يعني كانت أسلحتها..

أحمد منصور: لم يكن هناك تنسيق بينكم وبينهم؟

أحمد جبريل: لا لم يكون يعني تنسيق مثل ما حكينا القيادة المشتركة المجلس العسكري كلها عبارة عن خطط وأوهام ليست هي لها يعني مثلا في هذا 1981 الإسرائيليين بدؤوا في غارات كوماندوز ينزلوا من البحر من الرشيدية حتى هون لخالدة ينزلوا من البحر بزوارق ويعملوا كمائن على هذا الطريق الساحلي يعني أنا ما كنت أحضر المجلس العسكري إلا مندوب أضطريت أروح أنا وحكيت إنه يا إخوان معقول هذا الطريق الساحلي يبقى بالإسرائيليين يعملوا في السعديات ويعملوا في الجية ويعملوا هناك ويعملوا ها الكمائن على طريق ساحلي وهذا شريان رئيسي يا أخ أبو عمار ويا إخوان تعالوا نقسم هذا الطريق إلى قطاعات وكل قطاع يتسلمه منظمة تكون مسؤولة عنه بحيث والله إذا نزل الإسرائيلي تدان هذه المنظمة في ها الموضوع وأنت يا أخ أبو عمار خذ القطاع اللي بدك إياه وخذ أكبر قطاع أنتو فتح أم الدنيا خذوا اللي بدكم إياه بس خلينا نحمل المسؤولية صدقا رُفِض هذا الاقتراع.

أحمد منصور: لماذا؟

أحمد جبريل: ما بعرف أنا لهلا ما في تفسير.

أحمد منصور: لا ما أنت كنت قاعد في الجلسة أكيد هتعرف لماذا رفض.

أحمد جبريل: عم قولك يعني أنه ما في..

أحمد منصور: أنتو مش جماعة مقاومة قاوموا..

أحمد جبريل: يعني أنا كنت أعتقد أنه إحنا..

أحمد منصور: أليس هذا في النهاية لحماية الفلسطينيين واللبنانيين الذين كنتم على أرضهم؟

أحمد جبريل: إحنا قيادة فتح وإحنا المهيمنين وأنتو ليسوا أنتو ديكور يعني هيك يمكن كانوا ينظروا لهذا الموضوع بها الشيء لذلك..

أحمد منصور: ده تحميل كبير للمسؤولية لفتح.