أحمد جبريل: هو الرئيس الأسد بعد ما خرجنا من الحصار التقيت معه أنا وسألته سؤال يعني أولا أعطيته عن أداء اللواء 85 اللي كان معنا في بيروت وقالت له إنه قائد اللواء سيئ وجبان يعني بلاش أذكر أسمه عارف كيف معروف أسمه لكن الجنود والكتائب كانت في منتهى الشجاعة وبتستغرب إذا بقولك أنا خسرت قوة هذه الكتائب استنادا لحرب العصابات لأنه الجيش بيحط مدافعه جنب بعضهم بيحط دباباته وكأنه ها الشيء..

أحمد منصور: عشان إسرائيل تضربها..

الرئيس حافظ الأسد قال إن الطائرات السورية كانت تتعرض لتشويش شديد للغاية قبل أن تصل الحدود اللبنانية

أحمد جبريل: لا هذا تكتيكهم عارف كيف ما هو أنا تحدثت في حلقات أخرى إنه للأسف فيه عقم في العسكريتارية العربية كيف تقاتل هذا العدو الإسرائيلي غيرت تشكيلات المدافع تبعهم الدبابات دخلتها في البدروم في الأبنية في بيروت وأقول للطاقم ما بتطلع أنت من ها الأبو تبع ها المبنى الكبير لتسمع هدير وصوت الدبابات الإسرائيلية أمامك بتطلع بتبقى دبابة في وجهك بتقاتلها وإلا الطيران بده يدمرك عارف كيف يعني ها المواضيع جيش التحرير الفلسطيني كان فيه تعاون كيف صمدنا في بيروت عم بحكي لما سألت الرئيس حافظ الأسد حكى بصراحة قال إحنا خسرنا هذه الطائرات ونحن فوجئنا عارف كيف بحيث إنه طائراتنا السورية لما كانت تطلع من المطارات السورية قبل ما توصل الحدود اللبنانية يتم عليها تشويش شديد للغاية بحيث الطيار يصير أزيز بأذنيه تريد إنه والله تخزق له طبلة أذنه ويشعر إنه بده يشيل ها الهلمت هي الخوذة اللي طبع الطيار جانبا ورداره..

أحمد منصور: إلى هذا الحد إسرائيل اخترقت الأراضي السورية؟

أحمد جبريل: لأنه كانت وقتها دخلت الطائرات أف 15 و16..

أحمد منصور: طيب على الأقل لا تستطيع أن تواجههم بطائرات مماثلة حافظ على الطائرات التي عندك؟