أحمد جبريل: بقول لك يعني من.. وكأن الطرق شبه مفتوحة، يعني لو أو عم تفكر إنه هلا لديهم ضمانات إنه ما حدا بده يدخل لبيروت يعني فيه ضمانات سياسية، لأنه اللي شفته نوع من العبثية الكاملة المطلقة اللي ممكن تشهل الإسرائيلي إنه ببساطة يدخل، فرحت على هذا المقر فاتصلوا رفاق معي وأنا أجيت مع باقي الفصائل وعُقِد اجتماع في مقر كنا ماخدينه تحت الأرض هناك كنت أنا يعني مسطح على ظهري وإجه أبو عمار والأخوان سلموا..

أحمد منصور: قل لي من حضر في هذا؟

أحمد جبريل: كله يعني المسؤولين من قادة الفصائل يعني فتح كان الأخ أبو عمار والشهيد خليل الوزير وهاني وأبو الهول وسعد صايل عارف كيف، جورج حبش نايف حواتمة عارف كيف..

أحمد منصور: أيضا سعد صايل قاتل قتالا مريرا في حرب 1982 يحسب له يعني.

أحمد جبريل: عم بأقول لك يعني.. عم أقول لك أنا سألتني مين عم بأقول لك مين اللي إجوا عارف كيف والأحزاب اللبنانية كان نوع من الاجتماع..

أحمد منصور: مين حضر من الأحزاب اللبنانية؟

أحمد جبريل: الحزب الشيوعي ووليد جنبلاط ونبيه بري والحزب القومي والقوة الناصرية..

أحمد منصور: تفتكر تاريخ الاجتماع بالضبط؟

أحمد جبريل: يعني بدك تقول بتسعة أو عشرة بهالشيء..

أحمد منصور: يعني قبل إحكام الحصار في 13؟

أحمد جبريل: يا تسعة يا عشرة لا كان الحصار صار المنطقة الشرقية، أما هم أحكموا الحصار بعشرة بالشهر 11 بالشهر صاروا ماسكين المناطق اللي إحنا ممكن نطلع منها وننزل منها عارف كيف حتى كنا عندي سيارة غرفة عمليات فيها أجهزة لاسلكية كنت جايبها غلط في منطقة الشويفات وأُسِروا وقتلهم الإسرائيليين..

أحمد منصور: واستولوا على السيارة؟