أحمد منصور: في جنيف عدة اجتماعات.
أحمد جبريل: عدة اجتماعات وإلى أخره يعني كل هالمواضيع لكن خلل بخلل بخلل يجي الوفد تبعنا إنه والله قدموا للصليب الأحمر شغلة ثانية ثالثة يقول لك يا أخي مش هيك اللي اتفقنا بهالمواضيع، ثم وقع الخلاف بينا وبين عرفات توقفت هذه اللجنة..
أحمد منصور: وبدأت معارك طرابلس.
أحمد جبريل: ومعارك طرابلس اللي بأنصار مثل ما قلت لك هادول أصلا الإسرائيلي ما قدر ينقلهم داخل فلسطين..
أحمد منصور: مدنيين معلهمش اتهامات.
أحمد جبريل: مدنيين وإلى أخره وما بيصير بالقانون إنه أنت إجيت دخلت أراضي الغير واعتقلته وأسرته وأخذته لجوه هذا اختطاف.
أحمد منصور: لكن أنا أريد أسألك هنا لأن صموئيل كاتز قال إن فيه ضغوط مورست عليكم قبل صراعكم مع عرفات وقال إن صلاح التعمري الذي كان مقرب من عرفات واللي كان متزوج من الأميرة دينا الزوجة الأولى للملك حسين كان يلعب دور في عملية التفاوض؟
أحمد جبريل: مضبوط.
أحمد منصور: إيه طبيعة الدور اللي لعبه؟
أحمد جبريل: هو كان في أنصار عارف كيف يعني مسجون وكان مسؤول في أنصار يعني في معسكر أنصار يعني اختاروه أقدم واحد على مركز إلى أخره، إحنا ما بنعرف الدور اللي هو كان فيه الدور اللي كان فيه بعض رفاقنا اللي كانوا بأنصار ينصفوه إيجابيا فيه منهم ينصفوه سلبا لصلاح التعمري..
أحمد منصور: لكن صحيح إن الأميرة دينا زارت الأسيرين عندكم؟
أحمد جبريل: الأميرة دينا التقت معي أكثر من مرة.
أحمد منصور: في هذه الفترة الأولى قبل حرب طرابلس؟
أحمد جبريل: بهذه الفترة ولم تلتق مع الأسرى..
أحمد منصور: لكن أنت أبلغتها إن عندك أسيرين؟
أحمد جبريل: ما هو إحنا لأنه معروف إن فيه ستة عند فتح واثنين عندنا بعدين أخذوا أسماؤهم من فتح الستة بقوا اثنين بس أنا ما كنت أقول لهم للإسرائيليين هل هم بصحة جيدة ولا مجروحين حتى مرات كنا نمرر إنه والله..