يوسف ندا: إحنا الحمد لله أولًا: فيه حاجتين، إحنا كل ما عندنا.. كله يعني استطعنا نفعله قبل 15 أو 20 سنة من إنشاء البنك، يعني إذا تكلمت عن البيوت اللي عندنا أو الممتلكات اللي عندنا لم تزد عندنا الممتلكات، وكل ما كان عندنا غير البيوت اللي إحنا بنعيش فيها وغير بعض الممتلكات الصغيرة، كل الباقي حطيناه في البنك، وضاع في البنك كما ضاعت حقوق الناس.

أحمد منصور: أموالكم أيه في البنوك مقارنة بأموال المودعين؟

يوسف ندا: إحنا عندنا في البنك يمكن 25% منه، مش من فقط رأس ماله.

أحمد منصور: وأموال الإخوان في البنك كانت قد أيه؟

يوسف ندا: لا تساوي.. الإخوان كأفراد أيوه، لكن الإخوان

أحمد منصور: كجماعة.

يوسف ندا: كجماعة ليس لها حتى دولار واحد

أحمد منصور: أمال أفراد أموال الإخوان؟

يوسف ندا: أما الأفراد لو جمعت مجموع الأفراد اللي هم أصل.. لهم علاقة بالإخوان أو إخوان لا يمثلوا حتى 3 أو 4% من الموجود في البنك

أحمد منصور: والباقي من الشخصيات العادية من المسلمين.

يوسف ندا: من العالم كله.

أحمد منصور: منين المودعين؟ في أي.. من أي الدول؟

يوسف ندا: من العالم كله.

أحمد منصور: ألم يكن للإخوان أي أموال مودعة في البنك عندك؟

يوسف ندا: لم يكن، وليس عندهم أموال.

أحمد منصور: كيف كنتوا توظفوا أموال الإخوان؟

يوسف ندا: ما فيه أموال للإخوان حتى نوظفها.

أحمد منصور: إزاي جماعة فيها ملايين الناس وتمتد في أنحاء الدنيا كيف ما يكونلهاش أموال؟

يوسف ندا: الإخوان، يعني اتكلمنا في هذا الموضوع من قبل، الإخوان عبارة عن أفراد وكل فرد يتحرك، وعندما يتحرك كل واحد بيصرف من ماله الخاص ومن قوته ومن قوت أولاده، لأن هو التحرك اللي بيتحركه أيه؟ ممكن يكون سفر، ممكن يكون اجتماع، ممكن يكون، يعني.. ممكن طبع كتاب، ممكن عمل مساهمة شخصية إذا كان دكتور في مستوصف في علاج مجانًا، إذا كان مدرس ممكن إن هو يدرس دروس خصوصية مجانًا.