لما اجتمع العرب ليلة الموافقة على قرار 242، وعبد العزيز بوتفليقة اللي هو كان موجود ويا الـ....
أحمد منصور:
كان وزير خارجية الجزائر.
د. مصطفى خليل:
كان وزير الخارجية وهو اللي أصر على رفض المقترح..
أحمد منصور:
الذي تقدمت به دول أمريكا الجنوبية.
د. مصطفى خليل:
اللاتينية اللي كان أفضل 1000 مرة من 242، ما ننساش الكلام ده، وما ننساش إن احنا دول واقفة بعيد، ولا بتحارب ولا بتساعدك ولا بتعمل حاجة، ويقول لك: التضامن العربي، تضامن عربي ماذا؟
أحمد منصور:
المساعدات العربية يا دكتور، لا نستطيع أن ننكرها لمصر وللدول الأخرى.
د. مصطفى خليل:
لا..لا.. قل لي التضامن العربي، ماذا تعني به؟
أحمد منصور:
الموقف العربي.. حتى على أرض المعركة وبالدعم المالي.
د. مصطفى خليل:
أني دعم اللي بتتكلم عليه؟
أحمد منصور:
يعني الدعم المالي اللي كان موجود.. الدول العربية ساعدت، السعودية اشترت سلاح لصالح مصر، ودول أخرى، ودفعت فيها..
د. مصطفى خليل:
دي حاجات رمزية كلها.. مش حاجات اللي هي تؤثر في وضعك اللي موجود، اللي حصل استفادة كل الدول العربية بحرب 73.
أحمد منصور:
ما هي استفادة الدول العربية من حرب 73؟
د. مصطفى خليل:
رفع سعر البترول نمرة 1 و2 لـ10.
أحمد منصور:
ما هي أيضا عادت على مصر بالفائدة؟
د. مصطفى خليل:
عادت على مصر بإيه؟
أحمد منصور:
أيضا مصر دولة منتجة للبترول.
د. مصطفى خليل:
احنا دولة منتجة للبترول؟ و95% من ميزانيتي متوقفة على البترول.
أحمد منصور:
الدول الأخرى، أيضا ساعدت مصر.
د. مصطفى خليل:
أقول أيوه أنا عندي سلاح وأقدر أشهره.. وبعدين لما تيجي وتقول طيب اعملوا المقاطعة زي سنة 67، هل تم احترام المقاطعة؟ واللا هي كلمات بتروج لإثبات أن الوضع دا هو أساء للعرب، أساء للعرب في إيه؟ ولا حاجة. هل فرضت عليهم شيء؟ أبدا. هل أضريت بمصلحتهم؟ أبدا.
أحمد منصور: