فريد عبد الخالق: لا ما هأقول حضرتك أنا، وكلفوني حاجة يعني كتدريب.. (...) ، هو الكلام العام أنا.. عارفين إن أنا في غنى عنه أنا أكثر علم يمكن منهم، إنه إحنا عايزين نكون.. الإسلام عايز قوة، وإن إحنا أعداءنا وإصلاحنا عايز قوة، وربنا يقول: (وَأَعِدُّوا لَهُم مَّا اسْتَطَعْتُم) شيء كويس، إنما التنفيذ بقى، لما جم التنفيذ بقى فاختلفنا، بقينا نتفاهم غلط، كما كان أفهم، يعني هم قالوا لي أيه؟ خذ الشنطة دي، واركب تاكسي، وروح وديها عند الجراج قصاد بيت حسن البنا في.. في سنجر الخازن، لازلت أذكر الواقعة دي، فأنا يعني قلت يمكن أنا ما أعرفش اللي جواها، أنا قلت هم يعني الحقيبة خدمة يعني عامة، ما دخلتش في نطاق الاختبار اللي هم عايزينه بالنسبة لي، إنما أنا كنت غلطان ليه؟ السائق قال لي فيه ريحة، فيه ريحة غريبة في الشنطة دي، أتاري فيها T.N.T وحاجات من دي، وأنا.. أنا ما أنيش خبير لسه في الحكاية، فالسواق قلت له على كل حال البيت خلاص أنت هتوديني، إحنا قربنا، فالراجل استسلم ووصلني، بعد كده أنا حصل مراجعة لهم، قلت له إزاي تخليني أحمل شيء، وأجهل طبيعته، ودا من حقي إن أنا أشوف.

أحمد منصور: دي كان اختبار لك..

فريد عبد الخالق: فأنا قلت له لأ أنا.. أنا غير مستعد، فهم بدءوا يشعروا إنه أنا هم عايزين السمع والطاعة، وإن الشخص ينفذ اللي تقوله وهو مقتنع، فوجدوا إنه أنا غير مستعد لحكاية الاقتناع بدون حجة، ولا بدون برهان ولا بدون عقل، النوع دا ما ينفعش، اللي بيستخدم عقله ويقف كده في مواجهة الرأي، ما ينفعش..

أحمد منصور: لا يصلح للعمل السري.

فريد عبد الخالق: ما يبقاش جندي صالح دا.

أحمد منصور: لا يصلح للعمل السري..