فريد عبد الخالق: هو كان يركز على حاجة أساسية الحقيقة وقالها حتى في خطابه لما الوفد جه يصالح الإخوان بعد فترة وحضروا في المركز العام فؤاد سراج الدين

أحمد منصور [مقاطعًا] : إيه اللي حصل؟

فريد عبد الخالق [متابعًا] : هو قال كلمة يعني لهم إن:"قد يقال إن أنا على علم يعني واسع وقد يقال إن أنا استطعت كذا وكذا، هناك من هو على علم مثلي أو أكتر إنما هي أنا بعتبر إن الميزة إن الله تفضل علي بفضله إن أعطاني شيء من الإخلاص، إخلاص صاحب الدعوة لدعوته هو سر نجاحه، ليس مجرد واسع علم ولا كثير عمل، مطلوبين بس هناك سر إلهي."وفعلًا أنا لاحظت في حياتي إن ربنا أعطاه هذه الخصوصية فدي الخصوصية دية لأي زعيم ولأي قائد يحل محله يتعلق به إن هو يكون عنده فعلًا مثل الإخلاص ده..

أحمد منصور [مقاطعًا] : التجرد.

فريد عبد الخالق [متابعًا] : والتجرد هو كان عنده حسن إخلاص وتجرد.

أحمد منصور: يعني إحنا هنا لابد أن يعني يكون هناك نوع من الفصل التام بين تاريخ الإخوان في عهد حسن البنا منذ قيام الجماعة 1928 إلى مقتله في 12 فبراير 1949، نحن أمام خصوصية مرحلة خصوصية تاريخ خصوصية تأسيس، جماعة الإخوان بعد 12 فبراير 1949 هي شيء آخر لا يحمل الروح التي حملها حسن البنا.

فريد عبد الخالق: لو سمحت لي كمان مرة يعني أنا بستأذنك يعني.

أحمد منصور: أتفضل.

فريد عبد الخالق: الإنسان يمر بمراحل في عمره ومراحل في تعليمه، بيبقى طفل ويبقى صبي ويبقى مراهق ويبقى بالغ هو هو يعني، كل المراحل دي هو هو متغيرش.

أحمد منصور [مقاطعًا] : لا أنا هثبت لك إنه مش هو هو.

فريد عبد الخالق [متابعًا] : معلش أنا اسمح لي لسه .. والتعليم مر بابتدائي إلى ثانوي إلى التعليم الجامعي هو هو بيكمل، يعني عايزين مفيش فواصل، أنا كجسم إنسان عندي أعضاء مختلفة مفيش.. يمكن العضو يستقل ..