أحمد منصور: هذا محمود عبد الحليم قاله في كتاب وأنا جايبه من مصدر أخواني مش مصدر ثورة.

فريد عبد الخالق: لا كويس بس أنا الواضح العناصر اللي هي لها قيمة..

أحمد منصور: عبد الرحمن السندي اللي هو رئيس الجهاز الخاص ومن معه تحالفوا مع عبد الناصر من الذي بقى.

فريد عبد الخالق: اللي بقيت جماعة ممثلة في القاعدة اللي هي قد تكون صامته إنما هي عليها المعول.

أحمد منصور: طب خلينا هناقشك في ده بعد كده لكن الآن خليني في حادث 26 أكتوبر.

فريد عبد الخالق: أنا عايز في حادث 26 هنتكلم عنه بس أنا بأصَّل الأمور وأقول إن 1954 هو مكمل لـ 1953.

أحمد منصور: ماشي.

فريد عبد الخالق: 1953 كان الشق الأول اللي هو احتواء وضرب الإخوان من الداخل ممثلة في الاحتلال للمركز العام ومن استجاب لهم وراحوا بيت إلى آخر الكلام المعروف لما فشل في أنه يصل لغرضه عن طريق إثارة فتنه داخلية انتقل إلى العدوان الخارجي بأنه يحكم خطة للضرب يعني فجت المنصة حادث المنصة ليكمل ما لم يستطيع أن يؤديه في 1953.

شهادة فريد عبد الخالق على حادث المنشية

أحمد منصور: ما هي معلوماتك عن حادث المنصة؟

فريد عبد الخالق: معلوماتي عن حادث المنصة كما هي يعني من خلال مشاهد ووقائع ومحللين سياسيين في الداخل وفي الخارج في..

أحمد منصور: لا الأول عايز شهادتك اللي أنت شفتها وعشتها وبعدين نأخذ المحللين.

فريد عبد الخالق: وهو كذلك فيما يتعلق بحادثة يعني المنصة القدر الذي يعني يبدو متيقن عندي ويمكن..

أحمد منصور: خلينا نقول حادث المنشية عشان ميختلطش بحادث المنصة سنة1981.

فريد عبد الخالق: حادث المنشية ما هو حادث المنشية هي حادث..

أحمد منصور: يعني كان في هنا منصة وكان في 1981 منصة بس فيه فرق اللي السادات قتل فيها عشان بس ميحصلش اختلاط.