فريد عبد الخالق: دلوقتي هو فيه فكره أنا أحب أقولها فكرة مستقرة وقد تكون يعني محل مراجعة إنما زي ما تقول من المبادئ الأساسية في منهج العمل الإخواني المستقر من أيام حسن البنا الذي أرسى الأصول والقواعد فيما يتعلق بالأهداف وما يتعلق بالمنهج أن الثورة مش وسيلة عندنا لأن الثورة اللي يعني..

أحمد منصور: ما أنتم وقفتم جنب الثورة ودعمتوها من أول يوم لحد ما ذُبِحتم من الثورة ولحد ما الثورة غيرت الحياة الديمقراطية والنيابية في مصر من اللي دعمها الإخوان..

فريد عبد الخالق: تغيير الثورة للحياة النيابية دي خيانة من الثورة لأنهم هُمَّا أعلنوا على الناس في الشروط اللي أعلنوها أن المصير بتاع الحركة دية والهدف الأساسي هي أنه السلطة تسلم للشعب وأنه يحكم حكم ديمقراطي ونيابي هو اللي خرج..

أحمد منصور: لم يجدوا القوة الشعبية التي تدفعهم إلى هذا وكانت القوى الشعبية مرة أخرى وأخيرة ممثلة في اثنين الإخوان والوفد وتم ضرب الوفد والإخوان ساعدوا على ضرب الأحزاب وبعد ذلك أُكلوا وأبعدوا من الحياة السياسية ولم يقوموا بأن يحافظوا على الحياة النيابية من أجل الشعب التاريخ ده معطياته أنا قدامي حقائق وبأقولها

فريد عبد الخالق: وأنا كمان بقول لحضرتك حاجة أنا عندي أدلة واقعة وحقائق ثابتة لا خلاف عليها إنه لم يقصر الإخوان بكل الوسائل الممكنة المشروع عندهم ما عندناش منهج الثورة عندنا منهج آخر أنه إحنا لا داعي نعمل حرب أهلية في البلد ونتائجها معروفة ما هو ممكن نعمل كده والتاريخ في الحالة دي.. والتاريخ لن يرحمنا..

أحمد منصور: يا أستاذ فريد مش محتاجة حرب أهلية محتاجة مظاهرات سلمية وكانت المظاهرات السلمية لها نتائج كانت بدأت تظهر بس ما كانشي فيه عقل سياسي يحرك ويجني نتائج لصالح الشعب..