فريد عبد الخالق: يعني مثلا دلوقتي إحنا بنسمع دلوقتي إن كان التيار الإسلامي دائما في أزمة مع السلطة ودي حاجة موجودة في المنطقة ومكنش لها حل لأن التيار الإسلامي ما يقدرش يتخلى عن دعوته والسلطة مش هتقدر تسع التيار الآخر وبالتالي متأثرة بالدرجة الأولى بالتيار السائد اللي هو التيار الليبرالي والعلماني إلى آخره فكان صدام مستحكم وسبب للأمة إزعاجات كثيرة كما في الجزائر مثلا النهاردة في تغيير استفاد بالدرس اللي قلنا عليه ده النهاردة بوتفليقة النهاردة كرئيس بدأ يعني يراجع نفسه مع التيار الإسلامي والتيار الإسلامي برضه بيراجع نفسه وحاولوا يعملوا جسور مكنتش موجودة فلعل دي أنا بعتبرها درس إحنا في حاجة إليه حتى الفجوة والجفوة اللي بين السلطة والتيار الإسلامي دي تنتهي لأن النهاردة متطلبات العصر والتحديات الموجودة والأخطار المحدقة تقتضي إن جميع القوى السياسية بصرف النظر عن انتماءاتها واتجاهاتها والبلد كلها بكل مهنها وكل حتى يعني عقائدها أنها تتوحد تماما وتعرف إن قضية توحدنا وإيجاد جسور بنا مسألة نوجَد أو لا نوجَد فأنا بشوف إن إحنا محتاجين لأشياء كثيرة والدروس دلت يعني لو تصورنا مثلا إن الصدام اللي حصل بين جمال عبد الناصر وبين الإخوان ده أمكن حله وتم التعاون كما كان في الأول واستطاعت الأمة أن تستفيد من القوة المجتمع دية.
أحمد منصور: كنا وفرنا خمسين سنة صراع.
فريد عبد الخالق: كان التاريخ تغير.
أحمد منصور: كانوا خمسين سنة بناء.