محمد داوود عودة: نعم.. نعم، طبعًا، لأنه أي مقاتل.. أي مقاتل لا يمكن يحط ايده على الزناد ويتركه يرمي على كيفه، بيرمي (صاليات) .. بيرمي صاليات وين ما ايجا شاف نيران، بيرمي عليها صالية وبيتوقف.

أحمد منصور: الصالية دفعة، يعني خمس ست طلقات.

محمد داوود عودة: آه دفعة، يعني خمس ست طلقات، فبعد نتيجة المعركة..

أحمد منصور [مقاطعًا] : ما استخدموش القنابل أم؟

محمد داوود عودة: لأ، مافيش.. لم تُستخدم القنابل، لأنه مافيش حد تقدم عليهم، كله من الأبراج.

أحمد منصور: كله من بعيد.

محمد داوود عودة: كله من بعيد، من الأبراج رشاشات ثقيلة وكانت ترمي كثافة نيران هائلة، بعدما انتهت، وصار سكوت، تقدمت دبابات ألمانية، واكتشفوا إنه الرياضيين كلهم قتلوا..

أحمد منصور [مقاطعًا] : العشرة؟

محمد داوود [مستأنفًا] : وقتل أيضًا خمس شباب فلسطينيين من ضمنهم محمد ويوسف اللي هو (تشي) وبقي ثلاثة جرحى، فأعتقل الجرحى، وكان جراحهم بليغة.

أحمد منصور: مين يعني.. تذكر الأسماء؟

محمد داوود عودة: كان.. يعني بأذكر إبراهيم اللي حكيت عنه، وقريب إله كان اسمه جمال، وواحد اسمه أعتقد يوسف أيضًا، بس مش يوسف قائد العملية، وها دول اللي بقيوا أحياء، طبعًا إبراهيم -رحمة الله- تُوفي في موت عادي -يعني-بالخليج، والتنين التانيين لا أعرف أين هم الآن؟ ليس لهم أرض -يعني- انقطعت صلتنا فيهم بعد خرجوهم من بيروت يعني ما عندناش فكرة وين، وطبعا أنا بالنسبة إلي..

أحمد منصور [مقاطعًا] : طبعًا، وقتيها ماكانش فيه C.C.N ولا كان فيه (الجزيرة) برضه، فما كانش فيه أي تغطية مباشرة، وكان التقاط الأخبار..