ماسلكت الديون ماكثرها فيا ولاصنت لساني ولا بعدت احرام
هاني بين أيديك لاحيلة ليا أوجود بفضلك ياكريم وياعلام
وسع عني يالطيف والطف بيا وغفر ذنبي يالي تحي لعظام
وسهل ياربي للأحباب اوريا وصبر ناسي على فراقي في ذا العام
ياقلبي لاتخاف راني في الدنيا أومالك ترجف ياك هذا غير أمنام
وين الكوراج والصبر والعقليا ياك موالف بيك في الحزا نقيام
افرصني حتى ترشقوا عينيا وقلت منامي جا وقصفتلي ليام
واتكلم لي وقلي في هذا الدنيا أعطيتك عاهد ماندل عليك حرام
في ذا الصبحة راك فاجيت عليا مزين ذكر الموت في سعة ليام
ودخلت ولفي في يديها الصينيا والمازوزي جاي يدهكل بسام
وافطرت انا والبزوز وهيا محلاها نعمة على العبد اذا رام
بارك ياربي في هاذ الذريا واحفظنا ياخالقي من كل احرام
وعند الباب رميت بالعين اورايا نلقى السمرا موادعتني بسلام
قوليلي لخاصتكشي حيا ياشطانتي خاطري ريمة لريام
تتبسم وطول الخزرا فيا ومحلا ذا النظرة ومحلا ذا اتبسام
جيب الخضرة ولاتجيب زروديا ولاتنسى لتاي لاتنسى ليدام
ولاكانش ديسير للبز أشويا وأخبرني مرقة أغدانا ولاأطعام
وأجيب أحبيبة مسكتة في يدك ليا أوخلي ليا باه نمشي للحمام
وجاو أولادي قاع عندي جرايا وياك شحال زقا وياك شحال أزحام
والمازوزي مزير الشدة فيا ومن الزهر اليوم مانيشي خدام
لاتبكيش اليوم نديك معايا ونشري لولدي كورني مليان كرام
وبقاي على خير ياعز اهنايا وديري لينا للغدا كسكاس أطعام
ياسامع لبيات نعطيك أسمايا وأدعيلي بالخير في آخر لكلام
أكتب جيم ولام وأختمهم باليا وأدير قبلهم باش تفهم جيم ولام
والصلاة عليك خير البرية صلاة ترضيه ومعاها سلام
وعلى آل البيت وعلى الآنبيا وعلى المرسلين والسادة لعلام
وعلى التابعين جملة والأوليا وعلى ليسال في نهج الإسلام
قدر الخلق الساكنة للبريا وقدر لي في جوف الما عوام
قدر الخلق لتشوفه عينيا والخلق لي محجوب في عين الأنام
قدر الخلق لي ساكن في الدنيا وقدر لي مازال يخرج من لرحام
والحمد لله صبحا وعشيا ليجاد علينا بنعمة الإسلام
والشكر لله مول الخفيا صاحب الجلال صاحب الاكرام
مادامت لكوان مادامت الدنيا وما دامت لحروف تكتبها لقلام
ـ [عبد القادر العباسي المعسكري] ــــــــ [05 - 10 - 10, 09:33 م] ـ
يحلف بالكعبة: هذا من الحلف المحرم والصواب يحلف برب الكعبة
ـ [أبو دجانة النجدي] ــــــــ [05 - 10 - 10, 10:18 م] ـ
قصيدة جميلة لكن بودنا أن تفسر بعض الكلمات ليتضح المعنى
ـ [سمير زمال] ــــــــ [06 - 10 - 10, 03:16 م] ـ
بارك الله فيك اخي
ـ [طويلبة شنقيطية] ــــــــ [06 - 10 - 10, 04:51 م] ـ
جزاك الله خيرا
هناك تقارب مع لهجتنا في بعض الكلمات.
ـ [إبن بوعلام] ــــــــ [06 - 10 - 10, 05:23 م] ـ
مليحة وهايلة كما نقول بالعامية الجزائرية