أحمد جبريل: عم بحكيلك عم بقولك يعني إحنا تل الزعتر كان من الممكن تفادي عملية سقوطه وأن تتم مثل هذه المجزرة هذا مختلف عن بذرة صابرا وشاتيلا بعد 1982 عارف كيف اختلاف كان كبير بها الموقع إحنا عندنا هون موجودين وكان فيه إمكانية لهذا الموضوع طيب من هم ألد أعداء لسوريا صفت؟ مش القوات اللبنانية مش بشير جميل وجعجع وشمعون وإلى أخره وصاروا يعتبره من ذلك الوقت إلى ها الآن أنه والله سوريا والوجود السوري والتواجد السوري في لبنان وبعدين من 1976 بعد 1977 تصالحنا إحنا وسوريا بقى السوريين معنا بمواقعنا لـ1982.

أحمد منصور: ممكن تقولي أية الأطراف اللي كانت بتمدكم بالسلاح سوريا الأطراف اللي كانت تمد الصراع بالسلاح الأطراف العربية؟

أحمد جبريل: بالنسبة إلنا كان يعني..

أحمد منصور: لا للكل؟

أحمد جبريل: عم قولك العراقيين أرسلوا قلت لك عبر مصر وبالتنسيق مع مصر عارف كيف.

أحمد منصور: ومصر أرسلت.

أحمد جبريل: ومصر أرسلت.

أحمد منصور: السعودية الجزائر اليمن الجنوبي وكان فيه دول بتعطي الفلسطينيين وبتعطي الموارنة.

أحمد جبريل: ليبيا أرسلت لقوى فلسطينية يعني تثق فيها وأيضا أحزاب لبنانية أرسلوا سلاح وبواخر من السلاح والعتاد لأنه أنت حتى لما بدك توصل إلى التسوية مع الموارنة بدك تكون أنت قوي ما تكون ضعيف يعني لما تجلس على الطاولة بدهم يفهموا أن ما أنت ضعيف لكن بالأساس إحنا يجب أن نوقف هذه الحرب الدموية اللي كانت تهدد مصير هذه الأمة بإنشاء كيان طائفي جديد مثل الكيان الصهيوني.

أحمد منصور: الموارنة طلبوا قوات سلام أكدوا على ضرورة وجود سعوديين فيها ما مغذى ذلك؟

أحمد جبريل: هذا فيما بعد أُقر في اجتماع القوى تشكيل قوات ردع عربي.