أحمد جبريل: أنا بأقول ك عم بأحكيك يعني فأنا طلبت أن يجتمعوا اثنيناتهم يعني الطيار وتكون مثل ما بيقولوا حراسة مشتركة بيناتنا يعني عليهم وذهبت وكان محطوط تحت تصرف أبو الزعيم هذا الطيار فأخذوني أزور لهذا الطيار، موجود بشقة ولاقيته قاعد وقدامه الفواكه وعم ياكل حتى ما قدرت أعرف إنه هو ولا لا من كثر معاملة الحسنة وهالشيء وها ذاك لسه قائد الدبابة ما جبناه اللي موجود عندنا بالسجن عارف كيف، فبدأت أتحدث أنا وهذا الطيار وهذا الطيار كتب مذكراته وعمل كتاب في داخل فلسطين وحكى عن مقابلتي الطويلة معه عارف كيف تقدر ترجعوا له، فبدأت أتناقش أنا وياه فكريا وسياسيا وعقائديا والتوراة والتلمود وكل هالمواضيع والحق التاريخي في فلسطين كل هذا موضوع هو يهودي غربي عارف كيف يعني من الأشكيناز المتعصبين إلى أخره اللي عيونه خضر وأشقر قلت له منين أنت؟ أنت بتقول أنت نبوخذ نصر نفى أبوك أنت مبين يعني أنت من وين فقلت له أنت شايف المعاملة اللي عم يعاملوك فيها الأخوان هذه معاملة هل ممكن تعتقد أنتم الأسرى تبعنا بيتعاملوا مثل ما عم يعملوكم هلا الإخوان بها الشيء هاي؟ فضحك هو قلت له أنت تعتقد إنه يعني الإسرائيليين بدهم تتبدل قال أنا ما أعرف إنه حياتي غالية وما يستطيع أحد بهالشيء، قلت له طب هلا أنتم بتعتقدوا إنه إحنا محاصرين هل روحنا المعنوية منهارة بتعتقد أنت؟ قال لي يا سيد جبريل عرفني هو طبعا قال لي جيشنا يحاصركم من كل جانب من البر والبحر والجو وأنا لو كنت محلكم لازم أكون روحي المعنوية منهارة قلت له لأدلل لك إنه إحنا رحنا المعنوية مو منهارة، طيب إذا كلفنا إحنا مجموعة بتروح تأسر جندي من عندكم من جيشكم ما بتدل إنه إحنا روحنا المعنوية عالية؟ عم ضحك قال هذا مو جيشنا اللي بينأسر منه هيك عارف كيف، أعطيت إشارة لشاب من الشباب فدخلوا قائد الدبابة بلباسه قلت له احكوا مع بعضكم وفيه مترجم..

أحمد منصور: لديكم صور لهم؟