أحمد جبريل: عم أقولك يعني، يعني حتى في هالاجتماع قلت له إذا بتريد يا أخ معمر ويمكن عم بيسمعني هلا اتصل بالرئيس حافظ الأسد منشان تتأكد وحقيقة اتصل ما قال له إنه أبو جهاد جنبي فقال له والله شو رأيك وإحنا مستعدين هي كلمة مرمزة يعني فاهم قلت له ما رأيك إنه ندعي الفصائل اللبنانية لأنه إحنا بدنا نقاتل تحت الراية اللبنانية ما قدرنا نقاتل تحت الراية الفلسطينية اللي كنا فيها قبل 1982 فاتصلنا بالإخوان في الحزب التقدمي الأستاذ وليد جنبلاط بالحزب القومي الحزب الشيوعي الاتحاد الاشتراكي كل الأحزاب اللبنانية قلت لهم هادول لازم تجيبوهم وتطمئنوهم وتدعموهم حقيقة يجوا كلهم على طرابلس وبُلغوا من الليبيين وإنه هاي إحنا الدعم المالي وأما الدعم العسكري قالوا هاي الأخ أبو جهاد سيعطيكم ما تحتاجونه من السلاح والعتاد وحقيقة كانوا الليبيين جهزوا باخرتين كل باخرة حمولتها أكثر من 1500 طن عارف كيف بالسلاح والعتاد وجبناها إلى ميناء طرطوس ونزلناها وبدأنا نوزع السلاح على الفصائل الفلسطينية بما في الانتفاضة واللبنانية بكاملهم واجتمعنا..

أحمد منصور: ما يسمى بالقوى الوطنية.

أحمد جبريل: القوى الوطنية بعدين عملنا اجتماع عند الأستاذ عبد الرحيم خدام كلبنانيين وكفلسطينيين وانطلقنا في معركة الجبل عارف كيف حقيقة خلال 15 يوم كنا قد أنجزنا إنجاز كبير كفلسطينيين.

أحمد منصور: طبعا ضد الموارنة؟

أحمد جبريل: ضد كان أمين الجميل وجيشه والقوات اللبنانية كان جعجع في منطقة الشوف عارف كيف..

أحمد منصور: جعجع وإيلي حبيقة وكل المجموعة.

أحمد جبريل: لا إيلي حبيقة ما كان جعجع عارف كيف.

أحمد منصور: يعني ضد القوات اللبنانية كان في أيضا الجيش اللبناني كان في..